బాలీవుడ్‌నీ 'ఖైదీ' చేసేశాడుగా.!

By iQlikMovies - February 04, 2020 - 17:08 PM IST

మరిన్ని వార్తలు

యంగ్‌ హీరో కార్తి నటించిన 'ఖైదీ' సినిమా తమిళంలో ఘన విజయం సాధించింది. తెలుగులో డబ్‌ అయిన ఈ చిత్రం అక్కడా ఊహించని వసూళ్లు రాబట్టింది. ఇప్పుడు బాలీవుడ్‌నీ ఖైదు చేసేందుకు సిద్ధమవుతోంది. త్వరలోనే ఓ ప్రముఖ హీరో ఈ సినిమాని రీమేక్‌ చేసే యోచనలో ఉన్నాడట. ఇప్పటికే రిలయన్స్‌ ఎంటర్‌టైన్‌మెంట్స్‌, డ్రీమ్‌ వారియర్స్‌ సంస్థలు ఈ సినిమాని నిర్మించే యోచనలో ఉన్నాయి. అనౌన్స్‌మెంట్‌ కూడా చేసేశాయి. ఇక కాస్టింగ్‌ దొరికితే, సినిమా పట్టాలెక్కడమే తరువాయి. హీరో విషయం దాదాపు ఫైనల్‌ అయ్యేలానే ఉంది. సౌత్‌ సినిమాల్ని రీమేక్‌ చేయడంలో స్పెషలిస్ట్‌ అయిన బాలీవుడ్‌ హీరో ఈ రీమేక్‌పై కన్నేసినట్లు తెలుస్తోంది.

 

ఒకవేళ ఆ హీరో కాంబినేషన్‌లోనే సినిమా తెరకెక్కితే, బాలీవుడ్‌ జనాల్ని కూడా లాక్‌ చేయడం ఖాయమంటున్నారు. పూర్తి వివరాలు త్వరలో వెల్లడి కానున్నాయి. లోకేష్‌ కనకరాజ్‌ దర్శకత్వంలో ఈ సినిమా తెరకెక్కింది. తండ్రీ, కూతురు సెంటిమెంట్‌ బ్యాక్‌ గ్రౌండ్‌లో రూపొందిన సినిమా ఇది. చూడాలి మరి, బాలీవుడ్‌ ప్రేక్షకుల మనసుల్ని ఎలా 'ఖైదీ' చేయనుందో.!


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS