బాలీవుడ్‌లో 'ఫగ్లీ', 'ఎమ్మెస్‌ థోనీ', తదితర చిత్రాల్లో నటించి, హీరోయిన్‌గా మంచి పేరు తెచ్చుకుంది ముద్దుగుమ్మ కైరా అద్వానీ. ప్రస్తుతం 'బోంబే టాకీస్‌ 2' చిత్రంలో నటిస్తోంది. బాలీవుడ్‌ సంగతలా ఉంచితే, టాలీవుడ్‌లోనూ ఈ బ్యూటీ త్వరలో ఎంట్రీ ఇవ్వబోతోంది. వస్తూ వస్తూనే, బ్యాక్‌ టు బ్యాక్‌ రెండు బిగ్‌ ప్రాజెక్ట్స్‌లో ఛాన్స్‌ కొట్టేసింది. మహేష్‌ హీరోగా తెరకెక్కుతోన్న 'భరత్‌ అనే నేను' చిత్రం కోసం ఈ ముద్దుగుమ్మకి టాలీవుడ్‌కి దిగుమతి చేశారు. అయితే దాంతో పాటు, ఆ వెంటనే మెగా కాంపౌండ్‌లోకీ అడుగెట్టేసిందీ ముద్దుగుమ్మ. మెగా పవర్‌ స్టార్‌ రామ్‌ చరణ్‌ - బోయపాటి శీను కాంబినేషన్‌లో తెరకెక్కుతోన్న సినిమా కోసం కూడా ఈ బ్యూటీనే హీరోయిన్‌గా ఎంచుకున్నారు. మోడలింగ్‌ రంగం నుండి వచ్చింది. అందులోనూ బాలీవుడ్‌ బ్యూటీ. సో గ్లామర్‌కి ఏమాత్రం లోటుండదు. అయితే మన తెలుగు సినిమాల్లో ఈ బ్యూటీ చేత ఏ స్థాయిలో గ్లామర్‌ పండించబోతున్నారో కానీ, సోషల్‌ మీడియాలో మాత్రం అమ్మడు హాట్‌ పిక్స్‌ తరచూ దర్శనమిస్తూనే ఉంటాయి. తాజా పిక్‌లో కైరా అందం నాటీగా కవ్విస్తూ, క్యూట్‌గా ఎట్రాక్ట్‌ చేస్తోంది.