ఈ కుశుడు చిలిపి కృష్ణుడి లాంటోడు. చిలిపిగా దొంగతనం చేస్తాడు. అంతే కాదు, తేడా వస్తే చితక్కొట్టేస్తాడు. కొట్టేయడమే కాదు, కొట్టడం కూడా వచ్చంటూ డైలాగ్‌తోనూ అదరగొట్టేశాడు. ఈ కుశ పాత్రకీ అన్నీ ఎక్కువే అన్నట్లుగా ఉన్నాడు. అదిరిపోయే డాన్సులు, ఫైట్లు, డైలాగులు ఇలా ఒక్కటేమిటీ అన్నీ ఈ క్యారెక్టర్‌లో పండించేశాడు. గెటప్‌ కూడా కొత్తగా ఉంది. టోటల్‌గా 'జై లవ కుశ' సినిమాలో 'కుశ' పంట్రీ అదిరింది. 'జై' నెగెటివ్‌ షేడ్స్‌ ఉన్న క్యారెక్టర్‌. 'లవ' మరీ సాఫ్ట్‌. అతి మంచోడు. 'కుశ' నాటీ బాయ్‌. మూడు పాత్రలూ దేనికవే అన్నట్లుగా డిజైన్‌ చేశాడు డైరెక్టర్‌. అద్భుతః అన్నట్లుగా ఉన్నాయి. పాత్రతో పాటు గెటప్‌ వేరియేషన్స్‌ కూడా బాగున్నాయి. రాశి ఖన్నా, నివేదా థామస్‌ హీరోయిన్లుగా నటిస్తున్నారు. త్వరలో ఈ సినిమా ట్రైలర్‌ రాబోతోంది. దాన్ని డిజైన్‌ చేసే పనుల్లో బిజీగా ఉన్నారు చిత్ర దర్శక నిర్మాతలు. టీజర్స్‌ ఇంత అద్భుతంగా డిజైన్‌ చేశారు. ఇక ట్రైలర్‌ వీటిన్నింటినీ మించి ఉండాలి కదా. అందుకే ఆ పనుల్లో చిత్ర యూనిట్‌ బిజీగా ఉంది. అందులో మూడు పాత్రల్నీ చూపించాలి కదా! అదీ కత్తి మీద సామే. ఈ నెల 21న సినిమా రిలీజ్‌ కానుంది. ఇటీవలే మార్కెట్లోకి విడుదలైన పాటలకు ఆల్రెడీ మంచి రెస్పాన్స్‌ వస్తోంది. కళ్యాణ్‌రామ్‌ నిర్మాణంలో బాబీ దర్శకత్వంలో తెరకెక్కుతోంది ఈ సినిమా.