ప్రముఖ దర్శకుడు కోదండరామిరెడ్డి ఇంటిలో పనిచేస్తున్న ఓ మహిళ అనుమానస్పద స్థితిలో మృతి చెందడం కలకలం సృష్టించింది.
అందుతున్న వివరాల ప్రకారం, తూర్పు గోదావరి జిల్లా కట్టమూరు గ్రామానికి చెందిని జయశ్రీ (19) అనే మహిళ కొంతకాలంగా కోదండరామిరెడ్డి ఇంటిలో పనిచేస్తుంది. ఆ క్రమంలో ఆమెకి ప్రత్యేకంగా ఒక గది ఆ ఇంటి ఆవరణలో ఆమె ఉండడానికి కేటాయించారు.
అయితే నిన్న సాయంత్రం ఆమె ఆ గదిలో ఆత్మహత్య చేసుకోవడంతో వెంటనే పోలీసులకి సమాచారం అందించారు. అయితే దీనికి సంబంధించి కారణాలు ఇంకా తెలియరాలేదు.
ప్రస్తుతం ఆమె మృతదేహాన్ని పోస్టు మార్టం నిమిత్తం గాంధీ ఆసుపత్రికి తరలించారు.
