పెద్ద సినిమాల‌పై ఓటీటీ క‌న్నేసింది. ఏదోలా... మంచి బేరానికి పెద్ద సినిమాల్ని కొనేయాల‌నుకుంటుంది. అందులో భాగంగానే.. `లైగ‌ర్‌`కి రూ.200 కోట్ల ఆఫ‌ర్ ఇచ్చిన‌ట్టు, ఈ సినిమా నేరుగా ఓటీటీలో విడుద‌ల అవ్వ‌బోతున్న‌ట్టు వార్త‌లొచ్చాయి. లైగ‌ర్ కి 200 కోట్లంటే చాలా పెద్ద ఆఫ‌రే. క‌చ్చితంగా ఈ డీల్ కి చిత్ర‌బృందం ఓకే చెబుతుంద‌నుకున్నారంతా. అయితే.. ఈ వార్త‌ల‌పై విజ‌య్ దేవ‌ర‌కొండ స్పందించాడు. `మా సినిమా థియేట‌ర్లో విడుద‌ల చేస్తే 200 కోట్ల‌కంటే ఎక్కువే వ‌సూలు చేస్తుంది` అనే అర్థంతో ఓ ట్వీట్ చేశాడు. ఇప్పుడు అది వైర‌ల్ అవుతోంది.

పూరి - విజ‌య్ దేవ‌ర‌కొండ కాంబోలో రూపుదిద్దుకుంటున్న చిత్రం `లైగ‌ర్‌`. పూరి నుంచి వ‌స్తున్న తొలి పాన్ ఇండియా సినిమా ఇది. ఈ సినిమాకి 200 కోట్ల బేర‌మంటే.. మంచి డీలే. విజయ్ సినిమా ఎంత హిట్ట‌యినా.. ఈ మాత్రం తెచ్చుకోదు. అలాంటిది... `మా సినిమా 200 కోట్ల కంటే ఎక్కువే చేస్తుంది` అని చెప్పుకోవ‌డం విజ‌య్ ఓవ‌ర్ కాన్ఫిడెన్స్ అని.. టాలీవుడ్ జ‌నాలు చెప్పుకుంటున్నారు. ఈ సినిమాకి ఓటీటీ ఆఫ‌ర్ వ‌చ్చిన మాట నిజ‌మే అని, కానీ అది 200 కోట్లు కాద‌ని, ఆ డీల్ న‌చ్చ‌క‌.. చిత్ర‌బృందం ఒప్పుకోలేద‌ని, మ‌రో టాక్ వినిపిస్తోంది. మొత్తానికి లైగ‌ర్ కూడా థియేట‌రిక‌ల్ రిలీజ్ ని న‌మ్ముకుంది. ఈ సినిమా ఇప్పుడు థియేట‌ర్లో 200 కోట్ల‌కు మించి వ‌సూలు చేస్తుందా, లేదా? అనేదే చూడాలి. 200 కోట్ల‌కు ఏమాత్రం త‌క్కువైనా.. విజ‌య్ చేసిన ఇప్ప‌టి ట్వీట్ ని విప‌రీతంగా ట్రోల్ చేయ‌డానికి యాంటీ ఫ్యాన్స్ అంతా రెడీగా ఉంటారు.