సూపర్ స్టార్ మహేష్ ఈ నెల 9వ తేదీన తన 41వ పుట్టినరోజుని కుటుంబసభ్యుల మధ్యలో చాలా ఘనంగా చేసుకున్నాడు.
ఇక మహేష్ పుట్టినరోజు సందర్భంగా తను దత్తత తీసుకున్న సొంత గ్రామమైన బుర్రిపాలెంలో మహేష్ అభిమానులు పెద్ద ఎత్తున సేవా కార్యక్రమాలు చేపట్టారు. ఇందులో భాగంగా వైద్య శిబిరాలు ఏర్పాటు చేసి అందరికి ఉచితంగా పరీక్షలు నిర్వహించారు.
ఈ వైద్య శిబిరాన్ని ఆంధ్రా హాస్పిటల్స్ ఆధ్వర్యంలో ఏర్పాటు చేయడం జరిగింది. ఈ విషయం తెలుసుకున్న సూపర్ స్టార్ మహేష్ తన ఫేస్ బుక్ ద్వారా అభిమానులందరికీ అభినందనలు తెలియచేశాడు, అలాగే ఇలాంటి ప్రజలకి ఉపయోగపడే కార్యక్రమాలు చేపట్టినందుకు తనకి గర్వంగా ఉందంటూ అభిమానులని మెచ్చుకున్నాడు.
