సూపర్ స్టార్ మహేష్ స్పైడర్ చిత్రం రేపు ప్రపంచవ్యాప్తంగా విడుదలకానుంది. ఈ తరుణంలో ఈ చిత్రానికి సంబందించిన ఒక పాట లీక్ అవ్వడం ఇప్పుడు చర్చనీయాంశంగా మారింది.
అందుతున్న సమాచారం ప్రకారం, స్పైడర్ చిత్రంలో వచ్చే మొదటి పాట లీక్ అయి ఇప్పుడు అంతర్జాలంలో వైరల్ గా మారింది. ఇప్పటికే ఈ చిత్రానికి సంబందించిన పైరసీని అరికట్టమంటూ స్పైడర్ చిత్ర యూనిట్ ప్రచారం చేస్తున్న సందర్భంలో ఇటువంటిది జరగడం విచారకరం.
ఇలాగే స్పైడర్ చిత్రం ట్రైలర్ కూడా విడుదలకి ముందే అంతర్జాలంలో లీకవ్వడంతో ఆయన అభిమానుల్లో తీవ్ర ఆందోళన నెలకొంది. ఏదైతేనేమి ఈ చిత్రం పైన ప్రేక్షకుల్లో పాజిటివ్ టాక్ ఉండడంతో ఈ లీక్స్ వల్ల ఎటువంటి నెగటివ్ ప్రభావం ఉండబోదు అని స్పైడర్ యూనిట్ తో సహా అభిమానులు సైతం అభిప్రాయపడుతున్నారు.
