సూపర్‌ స్టార్‌ మహేష్‌ హీరోగా తెరకెక్కుతోన్న చిత్రం 'స్పైడర్‌'. ఈ సినిమా బైలింగ్వల్‌ మూవీ. తెలుగుతో పాటు, తమిళంలోనూ రూపొందుతోంది. తాజా సమాచారమ్‌ ప్రకారం 'స్పైడర్‌'ని హిందీలో అనువదించి రిలీజ్‌ చేసేందుకు ప్రముఖ వ్యాపార సంస్ధ రిలయన్స్‌ ఇంటర్నేషనల్‌ సంస్థ సన్నాహాలు చేస్తోందట. మురగదాస్‌ దర్శకత్వంలో ఈ సినిమా తెరకెక్కుతోంది. దసరాకి ఈ సినిమా ప్రేక్షకుల ముందుకు రానుంది. అయితే బాలీవుడ్‌లో ఈ సినిమాని వారం రోజుల ముందే రిలీజ్‌ చేయాలని అనుకుంటున్నారట. అయితే సెలక్ట్‌డ్‌ పీపుల్‌ వరకే ఈ చిత్రం ప్రీమియర్‌ షో వేయనున్నారనీ తెలియవస్తోంది. మీడియా ప్రముఖులకు, బాలీవుడ్‌లోని పలువురు ప్రముఖులకు మాత్రమే ఈ సినిమాని చూసే అవకాశం రానుందట. ఇటీవల విడుదలైన టీజర్‌కి మంచి రెస్పాన్స్‌ వస్తోంది. విజువల్‌ ఎఫెక్ట్స్‌కి పెద్ద పీట వేసినట్లుగా ఈ టీజర్‌ని కట్‌ చేశారు. రోబో స్పైడర్‌తో టీజర్‌ని కట్‌ చేసిన విధానం రిలయన్స్‌ సంస్థకి బాగా నచ్చి ఈ సినిమాకి బాలీవుడ్‌లో ప్రమోషన్‌ కార్యక్రమాలు నిర్వహించాలని అనుకుంటోందట. అంటే ఈ సినిమాతో మహేష్‌కి బాలీవుడ్‌ ఎంట్రీ షురూ కానుందన్న మాట. రకుల్‌ ప్రీత్‌ సింగ్‌ ఈ సినిమాలో హీరోయిన్‌గా నటిస్తోంది. స్పైకాప్‌గా మహేష్‌ నటిస్తున్నాడు ఈ సినిమాలో. చాలా రిచ్‌గా హై టెక్నికల్‌ వేల్యూస్‌తో ఈ సినిమా తెరకెక్కనుంది. మహేష్‌ కెరీర్‌లోనే భారీ బడ్జెట్‌ సినిమా ఇది.