మహేష్‌ బాబు కొత్త సినిమా 'స్పైడర్‌' విడుదల విషయంలో సందిగ్ధం ఇప్పుడప్పుడే తీరేలా కనిపించడం లేదు. ఈ సినిమాని జూన్‌ 23న ప్రేక్షకుల ముందుకు తీసుకురావాలనుకున్నారు. కానీ అదే రోజు బన్నీ సినిమా 'డీజె - దువ్వాడ జగన్నాధమ్‌' విడుదలవుతుండడంతో మహేష్‌ వెనక్కి తగ్గాడంటూ ప్రచారం బాగా జరుగుతోంది. అయితే 'బ్రహ్మూెత్సవం' నిరాశ పరచడంతో మహేష్‌ ఫ్యాన్స్‌ ఈ సినిమాపై భారీగా ఆశలు పెంచుకున్నారు. మహేష్‌ కూడా చాలా పట్టుదలగా ఉన్నాడు. ఈ సినిమాతో ఎలాగైనా హిట్‌ కొట్టాలని. తెలుగు, తమిళంలో ఒకేసారి తెరకెక్కుతోన్న చిత్రమిది. ఇదే ఈ చిత్రం విడుదలకు ఆటంకం కలిగిస్తోంది. తెలుగులో మాత్రమే ఈ సినిమా విడుదలకు పరిస్థితుల అనుకూలతలు చూసుకుంటే సరిపోదు. తమిళంలో కూడా విడుదలకు లైన్‌ క్లియర్‌గా ఉండాలి. ఈ పరిస్థితులు ఒకేసారి అనుకూలిస్తేనే సినిమా విడుదల సాధ్యం అవుతుంది. కానీ పరిస్థితులు అందుకు అనుకూలించాలంటే కొంచెం కష్టతరమైనదే. గతంలో నాగచైతన్య హీరోగా వచ్చిన 'సాహసం శ్వాసగా సాగిపో' చిత్రానికి ఇదే పరిస్థితి ఎదురైంది. ఆ కారణంగానే ఆ సినిమా చాలా లేటుగా ప్రేక్షకుల ముందుకు వచ్చింది. అదే పరిస్థితి ఇప్పుడు మహేష్‌ 'స్పైడర్‌' విషయంలోనూ జరిగేలా ఉందంటున్నారు. ఏది ఏమైనా ఆగష్టులో ఈ సినిమాని ప్రేక్షకుల ముందుకు తీసుకొచ్చేలా చిత్ర యూనిట్‌ కసరత్తులు చేస్తోంది. మురుగదాస్‌ డైరెక్షన్‌లో తెరకెక్కుతోన్న ఈ చిత్రంలో రకుల్‌ ప్రీత్‌సింగ్‌ హీరోయిన్‌గా నటిస్తోంది.