"ఆచారి అమెరికా యాత్ర" షూటింగ్ లో భాగంగా తెరకెక్కిస్తున్న ఓ యాక్షన్ సీక్వెన్స్ ను తెరకెక్కిస్తుండగా.. బైక్ స్కిడ్ అవ్వడంతో జరిగిన యాక్సిడెంట్ లో చిత్ర కథానాయకుడు మంచు విష్ణు, కథానాయకి ప్రగ్యా జైస్వాల్ గాయాలపాలైన విషయం తెలిసిందే. ప్రగ్యా చిన్న చిన్న దెబ్బలతో తప్పించుకోగా.. మంచు విష్ణుకు మాత్రం తీవ్రమైన గాయాలయ్యాయి. ఆ కారణంగా మలేసియాలో మొదలైన సెకండ్ షెడ్యూల్ అర్ధాంతరంగా ఆగిపోయింది.

ఆ యాక్సిడెంట్ కారణంగా అయిన గాయాల నుండి ధృడ నిశ్చయంతో చాలా త్వరగా రీకవరీ అయిన మంచు విష్ణు మళ్ళీ షూటింగ్ మొదలెట్టాడు. జి.నాగేశ్వర్రెడ్డి దర్శకత్వంలో తెరకెక్కుతున్న ఈ చిత్రాన్ని కీర్తి చౌదరి-కిట్టు సంయుక్తంగా నిర్మిస్తున్న ఈ చిత్రం తాజా షెడ్యూల్ త్వరలో ప్రారంభం కానుంది.

ఈ సందర్భంగా చిత్ర నిర్మాతలు మాట్లాడుతూ.. "చాలా సీరియస్ యాక్సిడెంట్ లో తగిలిన గాయాలను సైతం లెక్క చేయకుండా మంచు విష్ణు చాలా త్వరగా రీకవర్ అయ్యారు. అందుకే త్వరగా షూటింగ్ రీస్టార్ట్ చేయగలిగాం. త్వరలోనే ఫారిన్ షెడ్యూల్ మొదలుపెట్టనున్నాం" అన్నారు.