ఇప్పుడు తెలుగు చిత్రసీమలో ఒక కొత్త ట్రెండ్ నడుస్తున్నది. అదే మన హీరోలు ఇతర చిత్రసీమల్లో హీరోగా అడుగుపేడుతుండడం. ఈ మధ్యనే సూపర్ స్టార్ మహేష్ స్పైడర్ చిత్రం ద్వారా తమిళ చిత్రసీమలో అడుగుపెట్టాడు.
ఇక అదే దోవలో మంచు విష్ణు కూడా తన తమిళ ఆరంగేట్రానికి సర్వం సిద్ధం చేసుకున్నాడు. ప్రస్తుతం ఆయన చేస్తున్నఓటర్ చిత్రాన్ని ‘కురల్ 388’ అనే పేరుతో తమిళంలో కూడా ఏకకాలంలో నిర్మిస్తున్నారు. ఈ చిత్రానికి జీ ఎస్ గాంధీ దర్శకత్వం వహిస్తున్నాడు.
ప్రస్తుతం షూటింగ్ దశలో ఉన్న ఈ చిత్రాన్ని త్వరలోనే ప్రేక్షకుల ముందుకి తీసుకువచ్చే పనిలో యూనిట్ సభ్యులు ఉన్నారు. తన తమిళ సినీరంగ ప్రవేశం పై చాలా ఆసక్తిగా ఉన్నాని అలాగే తమిళంలో ఈ చిత్రంతో పరిచయం అవ్వడం చాలా ఆనందంగా ఉందని చెప్పుకొచ్చాడు.
