స్టార్ మా బిగ్ రియాలిటీ షో బిగ్ బాస్.. 4వ సీజన్ త్వరలో ప్రేక్షకుల ముందుకు రానుంది. లాక్ డౌన్ సమయంలో టీవీలకు అతుక్కుపోయిన.. తెలుగు ప్రేక్షకులను అలరించడానికి, తద్వారా తమ వ్యూయర్ షిప్ పెంచుకోడానికి స్టార్ మా నిర్వాహకులకు ఇది మంచి అవకాశం. ఇక షో విషయానికొస్తే బిగ్ బాస్ 4 ను ఎవరు హోస్ట్ చేస్తారనే ప్రశ్నకు సమాధానం ఇంకా సస్పెన్స్ లోనే ఉంది. కానీ కంటెస్టెంట్స్ లిస్టులో మాత్రం కొన్ని పేర్లు ఖరారైనట్టు వార్తలు చక్కర్లు కొడుతున్నాయి. శ్రద్ధా దాస్, హంసా నందిని, యామిని భాస్కర్ మరియు రఘు మాస్టర్ బిగ్ బాస్ 4లో ఉన్నట్టు ఇన్ సైడ్ టాక్.
తాజాగా ఈ లిస్టులో తెలంగాణ ఫోక్ సింగర్ మంగ్లీ పేరు కూడా చేరింది. తెలంగాణ పండగలు, సంప్రదాయాలను పాటగా చెప్పడంలో మంగ్లీ ఫేమస్. ఇప్పుడు ఈ తెలంగాణ పోరి బిగ్ బాస్ లోకి రానున్నట్టు వార్తలు వినిపిస్తున్నాయి. ఇప్పటివరకు వచ్చిన 3 సీజన్లలో కల్పనా, గీత మాధురి మరియు రాహుల్ సిప్లిగంజ్ వంటి సింగర్లు కంటెస్ట్ చేసారు. కంటెస్టెంట్స్ ఫుల్ లిస్ట్ మాత్రం ఇంకా సస్పెన్స్ గానే ఉంది.
