ఆది పినిశెట్టి, నిక్కీ గల్రాని జంటగా తెరకెక్కుతోన్న చిత్రం 'మరకతమణి'. ఈ సినిమా ట్రైలర్‌ తాజాగా విడుదలయ్యింది. ఈ ట్రైలర్‌ వచ్చినప్పట్నుంచీ ఈ సినిమాపై ఇంట్రెస్ట్‌ ఎక్కువయ్యింది. క్రీ.శ 1105వ సంవత్సర కాలం నాటి కథ ఇది. అత్యంత విలువైన మరకత మణి చుట్టూ కథ సాగుతూ ఉంటుంది. చాలా థ్రిల్లింగ్‌ అంశాలున్నాయి ఈ సినిమాలో. ఆది ఈ మధ్య 'సరైనోడు' సినిమాతో విలన్‌గా అవతారమెత్తాడు. మళ్లీ ఈ సినిమాతో హీరోగా అలరించనున్నాడు. విజువల్‌ వండర్‌గా ఈ సినిమా తెరకెక్కబోతోంది. 'మరకతమణి' పేరుతో తమిళంలో తెరకెక్కిన ఈ చిత్రం తెలుగులోనూ అదే పేరుతో అనువాదమవుతోంది. కోట శ్రీనివాసరావు కీలక పాత్రలో నటిస్తున్నాడు ఈ సినిమాలో. విజువల్‌ వండర్స్‌కి పెద్ద పీట వేస్తున్న ఈ తరుణంలో ఈ సినిమాపై అంచనాలు భారీగా ఉన్నాయి. ట్రైలర్‌ని కట్‌ చేసిన విధానంతోనే సినిమాపై అందరికీ ఆశక్తి పెరిగింది. త్వరలోనే సినిమా ప్రేక్షకుల ముందుకు రానుంది. ట్రైలర్‌తో ఇంత క్యూరియాసిటీ క్రియేట్‌ చేశాడు డైరెక్టర్‌ శరవణన్‌. శరవణన్‌ అత్యంత ప్రతిష్ఠాత్మకంగా ఈ చిత్రాన్ని తెరకెక్కించారు. సినిమాలోని ప్రతీ సీన్‌ ఎంతో ఉత్కంఠగా సాగుతుందట. అలాగే ఛేజ్‌లు, మణి కోసం చేసే అన్వేషణలో ఒళ్లు గగుర్పొడిచే అంశాలు చాలానే ఉన్నాయట. ముద్దుగుమ్మ నిక్కీ గల్రాని పాత్రకు ఎక్కువ ప్రాధాన్యత ఉంటుందట ఈ సినిమాలో. మొత్తానికి ఆది ఈ సినిమాతో ఓ మంచి హిట్‌ అందుకోవడానికి రెడీగా ఉన్నాడన్న సంగతి, ఈ ట్రైలర్‌ క్రియేట్‌ చేస్తున్న ఇంట్రెస్ట్‌ చూస్తుంటేనే తెలుస్తోంది.
