మలయాళ భామలకు టాలీవుడ్‌లో మంచి క్రేజ్‌ ఉంది. తెలుగు ముద్దుగుమ్మలంటే టాలీవుడ్‌కి అస్సలు పడదు. వాళ్లకి స్టార్‌డమ్‌ కూడా లేదు. నార్త్‌ ఇండియన్‌ భామలకే ఎక్కువ పాపులారిటీ ఉంది టాలీవుడ్‌లో. కాకపోతే మలయాళ ముద్దుగుమ్మలు. వాళ్లకే స్టార్‌డమ్‌ కట్టబెడుతూ ఉంటుంది మన టాలీవుడ్‌. నిత్యా మీనన్‌, కీర్తి సురేష్‌, అనూ ఇమ్మాన్యుయేల్‌ తదితరులు ఇలా వచ్చి టాలీవుడ్‌లో సెటిలైపోయిన వాళ్లే. వారి బాటలోనే తాజాగా ఓ ముద్దుగుమ్మ చేరనుంది. ఈ అమ్మడి పేరు ఇప్పుడు టాలీవుడ్‌ టాక్‌లో హాట్‌ టాపిక్‌ అయ్యింది. ఆమె ఎవరో కాదు మేఘా ఆకాష్‌. నితిన్‌ సినిమాలో హీరోయిన్‌గా నటిస్తోంది. ఇంకా ఈ ముద్దుగుమ్మ ప్రేక్షకులకి పరిచయమే కాలేదు. కానీ టాలీవుడ్‌లో అప్పుడే ఈమె పేరు మార్మోగిపోతోంది. నితిన్‌ - హను రాఘవపూడి కాంబినేషన్‌లో తెరకెక్కుతోన్న సినిమాలో ఈ ముద్దుగుమ్మ హీరోయిన్‌గా ఎంపికైంది. అదే 'లై' సినిమా. ఇది కాక యంగ్‌ హీరో రామ్‌తోనూ ఓ సినిమాలో ఈ ముద్దుగుమ్మ నటిస్తోంది. కిషోర్‌ తిరుమల డైరెక్షన్‌లో ఆ సినిమా తెరకెక్కుతోంది. ఇప్పటికే రెండు సినిమాల్లో ఈ ముద్దుగుమ్మ అవకాశం దక్కించుకుంది అనుకుంటే, నితిన్‌తోనే మరోసారి నటించే ఆఫర్‌ కూడా రీసెంట్‌గా కొట్టేసిందట. అదే త్రివిక్రమ్‌ - పవన్‌ కళ్యాణ్‌ సంయుక్తంగా నిర్మిస్తోన్న సినిమాలో నటించే ఛాన్స్‌. ఈ సినిమాలో నితిన్‌ హీరోగా నటిస్తున్నాడన్న సంగతి తెలిసిందే. త్వరలోనే ఈ సినిమా సెట్స్‌ పైకి వెళ్లనుంది.