మెగా రాకుమారుడు వరుణ్‌ తేజ్‌ హీరోగా తెరకెక్కుతోన్న సినిమా 'మిస్టర్‌'. ఏప్రిల్‌ 14న ఈ సినిమా విడుదల కానుంది. ఈ సందర్భంగా సోషల్‌ మీడియాలో పబ్లిసిటీ అదరగొట్టేస్తున్నారు. సినిమాలోని పాత్రల్ని పరిచయం చేస్తూ, టెక్నీషియన్లను పరిచయం చేస్తూ పోస్టర్స్‌ విడుదల చేయడం కొత్తగా ఉంది. ఇలాంటి కాన్సెప్ట్‌తో ఇంతవరకు ఏ సినిమాకీ పబ్లిసిటీ జరగలేదు. శ్రీనువైట్ల మార్క్‌ కామెడీ సినిమాలో చాలా ఉంటుందనడానికి పరిచయం చేస్తున్న పాత్రల పేర్లే నిదర్శనం. అందులోనూ శ్రీను వైట్ల ఈ సారి ఈ సినిమాతో కామెడీలోని కొత్త యాంగిల్‌ని పరిచయం చేస్తానని చెప్పారు. పబ్లిసిటీ దగ్గర్నుంచే ఆ కొత్తదనాన్ని మన ముందుకు తీసుకొస్తున్నారు కాబోలు. ఈ పబ్లిసిటీకే బోలెడంత రెస్పాన్స్‌ వస్తోంది. వరుణ్‌ తేజ్‌ ఈ సినిమాలో చాలా కొత్తగా కనిపిస్తున్నాడు. రెండు డిఫరెంట్‌ షేడ్స్‌ ఉన్న పాత్రల్లో కనిపిస్తున్నాడు. ప్రచార చిత్రం మంచి రెస్పాన్స్‌ అందుకుంటోంది. ట్రైలర్‌లో చూపించిన లొకేషన్లు అదిరిపోయాయి. వరుణ్‌ తేజ సరసన ఈ చిత్రంలో లావణ్య త్రిపాఠి, హెబ్బా పటేల్‌ హీరోయిన్లుగా నటిస్తున్నారు. భారీ బడ్జెట్‌తో రూపొందింది ఈ సినిమా. ట్రైలర్‌ చూస్తుంటేనే తెలుస్తోంది చాలా రిచ్‌గా ఉంది. ఇంతవరకూ మూడు సినిమాలతో నటనలోని మూడు డిఫరెంట్‌ యాంగిల్స్‌ని చూపించిన వరుణ్‌ తేజ్‌ ఈ సినిమాతో తన యాక్టింగ్‌ టాలెంట్‌ని ఎలా ప్రదర్శిస్తాడో చూడాలి. రొమాంటిక్‌ అండ్‌ ఫ్యామిలీ ఎంటర్‌టైనర్‌గా ఈ సినిమా తెరకెక్కుతోంది.