నాగ చైతన్య ప్రస్తుతం కెరీర్ లో చాలా బిజీగా ఉన్నాడు. ఇప్పటికే ఒక చిత్రం షూటింగ్ దశలో ఉండగా మరో చిత్రాన్ని కూడా మొదలుపెట్టబోతున్నాడు.
అందుతున్న సమాచారం ప్రకారం, నాగ చైతన్య దర్శకుడు మారుతీ కలయికలో రూపొందనున్న శైలజా రెడ్డి అల్లుడు చిత్రం షూటింగ్ వచ్చే నెల 11 నుండి మొదలుకానుందట. ఇప్పటికే ఈ సినిమా టైటిల్ వల్ల అదే విధంగా టైటిల్ పాత్రలో రమ్యకృష్ణ కూడా నటించనుండడంతో అంచనాలు ఒక రేంజ్ లో ఉన్నాయి.
మహానుభావుడు చిత్రంతో సూపర్ హిట్ కొట్టి మంచి ఊపుమీద ఉన్న మారుతీ ఈ చిత్ర విజయంతో మరో హిట్ తన ఖాతాలో వేసుకునే ప్రయత్నంలో ఉన్నాడు. ఇక ఈ చిత్రంలో నాగ చైతన్య సరసన అను ఇమాన్యుల్ నటిస్తున్నది. ఈ చిత్రంలో తారాగణం చూస్తే ఈ సినిమాకి హిట్ లక్షణాలు పుష్కలంగా ఉన్నట్టు చెప్పొచ్చు.
మరి నాగ చైతన్య-మారుతీ కలయిక సూపర్ హిట్ ఇవ్వనుందా లేదా అనేది వేచి చూడాలి.
