నాగ‌చైత‌న్య క‌థానాయ‌కుడిగా న‌టిస్తున్న చిత్రం 'స‌వ్య‌సాచి'. చందూ మొండేటి ద‌ర్శ‌క‌త్వం వ‌హిస్తున్నాడు. 

ప్ర‌స్తుతం హైద‌రాబాద్‌లో షూటింగ్ జ‌రుగుతోంది. ఈనెల 18న ఫ‌స్ట్ లుక్‌ని విడుద‌ల చేయ‌నుంది చిత్ర‌బృందం. దాంతో పాటు విడుద‌ల తేదీ కూడా ఫిక్స‌య్యింది. జూన్ 14న ఈ చిత్రాన్ని ప్రేక్ష‌కుల ముందుకు తీసుకొస్తారు.  మే 24న 'స‌వ్య‌సాచి'ని విడుద‌ల చేయాల‌ని అనుకున్నా.. అదే వారంలో నాగార్జున 'ఆఫీస‌ర్‌' కూడా వ‌స్తుండ‌డంతో చిత్ర‌బృందం  ఈ నిర్ణ‌యం తీసుకుంది. 

మాధ‌వ‌న్, భూమిక కీల‌క పాత్ర‌లు పోషిస్తున్న ఈ చిత్రంలో నిధి అగ‌ర్వాల్ క‌థానాయిక‌. ఎం.ఎం.కీర‌వాణి సంగీతం అందిస్తున్నారు.అమెరికాలో ఓ షెడ్యూల్ తెర‌కెక్కించ‌డానికి చిత్ర‌బృందం ప్లాన్ చేస్తోంది. దాంతో షూటింగ్ మొత్తం పూర్త‌యిన‌ట్టే.