టైమ్ ట్రావెల్ క‌థ‌ల‌కు మంచి గిరాకీ ఉంటుంది. ఎప్పుడో గానీ ఈ టైపుక‌థ‌లు రావు. `ఆదిత్య 369` త‌ర‌వాత..ఈ జోన‌ర్‌లో స‌రైన సినిమా ప‌డ‌లేదు. `ఆదిత్య 999` వ‌స్తుంద‌ని అభిమానులంతా ఆశ‌గా ఎదురు చూస్తున్నారు. కానీ ఆ ప్రాజెక్టు ఇప్ప‌టి వ‌ర‌కూ సెట్స్‌పైకి వెళ్ల‌లేదు. ప్ర‌భాస్ న‌టిస్తున్న `ప్రాజెక్ట్ కె` టైమ్ ట్రావెల్ స్టోరీ అంటున్నారు గానీ, దీనిపై ఇప్ప‌టి వ‌ర‌కూఎలాంటి క్లారిటీ రాలేదు. ఇప్పుడు నాగ‌చైత‌న్య మాత్రం ఇలాంటి క‌థ‌లో న‌టించ‌డానికి రెడీ అయిపోయాడ‌ని టాక్‌.
నాగ చైతన్య అమేజాన్ తో క‌లిసి ఓ వెబ్ సిరీస్ చేస్తున్నాడు. క్రైమ్ థ్రిల్లర్‌గా రూపొందుతోన్న ఈ సిరీస్‌లో చై జర్నలిస్ట్గా న‌టించ‌బోతున్న‌ట్టు టాక్‌. ఒక్కో సీజన్లో 8 నుంచి 10 ఎపిసోడ్స్ ఉంటాయని, ఇదో టైమ్ ట్రావెల్ స్టోరీ అని టాలీవుడ్ టాక్‌. ఇందులో చైతూ మేకొవ‌ర్ కూడా కొత్త‌గా ఉండ‌బోతోంద‌ని తెలుస్తోంది. చైతూ ఓటీటీ కోసం ఓ వెబ్ సిరీస్ లో న‌టించ‌డం ఇదే తొలిసారి. చైతూ న‌టిస్తున్నాడంటే క‌థ, క‌థ‌నాలు కొత్త‌గానే ఆశిస్తారు. టైమ్ ట్రావెల్ అంటే... ఆ ఫ్రెష్‌నెస్ దొరికేసిన‌ట్టే.
