నాగ చైతన్య లేటెస్ట్‌గా 'యుద్ధం శరణం' అంటూ వస్తున్నాడు. ఫ్యామిలీ ఆడియన్స్‌ని బాగా ఎట్రాక్ట్‌ చేస్తోంది ఈ సినిమా ట్రైలర్‌. ఫ్యామిలీ ఎంటర్‌టైన్‌మెంట్‌తో పాటు, యూత్‌కి బాగా కనెక్ట్‌ అయ్యే అంశాలు పుష్కలంగా ఉన్నాయి. పబ్లిసిటీ అదిరిపోయేలా చేస్తున్నారు. యూత్‌ని ఎట్రాక్ట్‌ చేసే ఎలిమెంట్స్‌తో పాటు, యాక్షన్‌ సీన్స్‌ కూడా బాగా తెరకెక్కించారట. ముద్దుగుమ్మ లావణ్య త్రిపాఠి హీరోయిన్‌గా నటిస్తోంది. సీనియర్‌ హీరో శ్రీకాంత్‌ విలన్‌ అప్పియరెన్స్‌ ఈ సినిమాలో కీలకం. శ్రీకాంత్‌ క్యారెక్టర్‌ డిజైనింగ్‌ అందరి చేత ప్రశంసలు అందుకునేలా ఉంది. గతంలో హీరో కాక ముందు శ్రీకాంత్‌ పలు చిత్రాల్లో విలన్‌గా నటించాడు. వాటిన్నింట్లోకీ ఈ సినిమాలో శ్రీకాంత్‌ క్యారెక్టర్‌ పూర్తి భిన్నంగా ఉండబోతోంది. టీజర్‌, ట్రైలర్‌లలో శ్రీకాంత్‌ గెటప్‌ ఇప్పటికే ఆకట్టుకుంటోంది. వరుస సక్సెస్‌లతో జోరు మీదున్న నాగ చైతన్యకి ఈ సినిమా మంచి హిట్‌ అవుతుందని భావిస్తున్నారంతా. యూత్‌ని ఎట్రాక్ట్‌ చేసే సినిమాలనే వరుసగా ఎంచుకుంటున్నాడు చైతూ ఈ మధ్య. అవే తనకి సక్సెస్‌ని తెచ్చిపెడుతున్నాయి కూడా. వరుసగా 'ప్రేమమ్‌', సాహసం శ్వాసగా సాగిపో', రారండోయ్‌ వేడుక చూద్దాం' సినిమాలతో ఫుల్‌ జోష్‌ మీదున్నాడు చైతూ. ఆర్‌. వి. కృష్ణ మరిముత్తు ఈ చిత్రానికి దర్శకత్వం వహిస్తున్నారు. ఈ శుక్రవారం నుండి సినిమా ధియేటర్స్‌లో సందడి చేయనుంది. చైతూ ఈ సారి చేయబోయే యుద్ధంలో విజయం సాధిస్తాడో లేదో చూడాలంటే ఒక్క రెండు రోజులు మాత్రమే ఆగాల్సి ఉంది.
