కొత్త కొత్తగా నాగశౌర్య: పక్కా యాక్షన్‌ మోడ్‌.!

By iQlikMovies - December 12, 2019 - 12:19 PM IST

మరిన్ని వార్తలు

నాగశౌర్య అంటే పక్కింటబ్బాయ్‌ గుర్తొస్తాడు. లేదంటే, రొమాంటిక్‌ కుర్రోడు గుర్తొస్తాడు. కానీ, ఈ సారి నాగశౌర్య చాలా కొత్తగా కనిపించబోతున్నాడట. ఆయన నటిస్తున్న తాజా చిత్రం 'అశ్వత్ధామ'. ఈ సినిమాలో కొత్త నాగశౌర్యని చూస్తారంటున్నారు. అన్నట్లు ఈ సినిమాతో నాగశౌర్య రైటర్‌గా కూడా మారాడు. ఈ సినిమాకి తానే స్వయంగా కథ సిద్ధం చేసుకున్నాడు. రమణ తేజ అనే కొత్త దర్శకుడికి ఛాన్సిచ్చి ప్రోత్సహించాడు. ఐరా క్రియేషన్స్‌ బ్యానర్‌లో ఈ సినిమా రూపొందింది. అందాల భామ మెహ్రీన్‌ ఈ సినిమాలో హీరోయిన్‌గా నటించింది.

 

దాదాపు షూటింగ్‌ చివరి దశకు చేరుకుంది. జనవరి నెలాఖరులో ఈ సినిమాని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. ఇంతవరకూ ఫ్యామిలీ మూవీస్‌కే పరిమితమైన నాగశౌర్యని ఈ సినిమా చూశాక యాక్షన్‌ ఓరియెంటెడ్‌ మూవీస్‌కీ ఫిట్‌ అనిపించుకుంటాడని అభిప్రాయ పడుతున్నారు. ఆ స్థాయిలో ఈ సినిమాలోని యాక్షన్‌ సీన్స్‌ చిత్రీకరణ జరిగిందట. 'కేజీఎఫ్‌' సినిమాకి యాక్షన్‌ అందించిన యాక్షన్‌ కొరియోగ్రాఫర్‌ ఈ సినిమా కోసం పని చేయడం విశేషం. మొత్తానికి 'అశ్వత్థామ' కోసం నాగశౌర్య కొత్త అవతారమెత్తబోతున్నాడన్న మాట.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS