స్పోర్ట్స్ డ్రామాలు తెలుగులో బాగానే వ‌స్తున్నాయి. ఈ సీజ‌న్ లో అయితే మూడు క‌థ‌లు రెడీ అవుతున్నాయి. గోపీచంద్ సిటీమార్ స్పోర్ట్స్ క‌థే. ఓ సినిమాలో వ‌రుణ్ తేజ్ బాక్స‌ర్ గా న‌టిస్తున్నాడు. ఇప్పుడు నాగ శౌర్య కూడా స్పోర్ట్స్ నేప‌థ్యంలో క‌థ‌ని ఎంచుకున్నాడు. నాగ‌శౌర్య క‌థానాయ‌కుడిగా సంతోష్ జాగ‌ర్ల మూడి ద‌ర్శ‌క‌త్వంలో ఓ సినిమా తెర‌కెక్క‌నుంది. శౌర్య 20వ సినిమా ఇది.

ఇందులో ఆర్చ‌రీ క్రీడాకారుడిగా శౌర్య క‌నిపించ‌నున్నాడు. ఇప్పుడు ఈ సినిమాకి సంబంధించిన ఫ‌స్ట్ లుక్ విడుద‌లైంది. విలు విద్య‌లో.. త‌న ప్రావీణ్యాన్ని ఫ‌స్ట్ లుక్ లోనే చూపించేశాడు శౌర్య‌. ఈ సినిమా కోసం శౌర్య సిక్స్ ప్యాక్ చేశాడు. కండ‌లు తిరిగిన దేహంతో మాస్ ని ఫ‌స్ట్ లుక్ లోనే అల‌రించేశాడు. ప్ర‌స్తుతం ఈ సినిమా చిత్రీక‌ర‌ణ ద‌శ‌లో ఉంది. త్వ‌ర‌లోనే టైటిల్ ని ప్ర‌క‌టిస్తారు.