మెగాస్టార్‌ చిరంజీవి, అక్కినేని నాగార్జునల మధ్య అనుబంధం చూసి ఇటు మెగాస్టార్‌ అభిమానులు, అటు అక్కినేని అభిమానులు చాలా హ్యాపీ ఫీలవుతున్నారు. ఈ టైంలో ఓ గాసిప్‌ సర్క్యులేట్‌ అవుతోంది. 

అదేంటంటే, ప్రస్తుతం చిరంజీవి 151వ చిత్రం 'సైరా నరసింహారెడ్డి'లో నటిస్తున్న సంగతి తెలిసిందే. చిరంజీవి, నాగార్జునల మధ్య ఉన్న అనుబంధంతో చిరంజీవి సినిమాలో నాగార్జున ఓ ఇంపార్టెంట్‌ రోల్‌లో కనిపించబోతున్నాడనే గాసిప్‌ బయటికి వచ్చింది. ఏమో ఈ గాసిప్‌ నిజమైనా కావచ్చు. చిరంజీవి హీరోగా తెరకెక్కుతోన్న 'సైరా నరసింహారెడ్డి' అత్యంత ప్రతిష్ఠాత్మక చిత్రం. ఈ చిత్రంలో ఇప్పటికే బాలీవుడ్‌, కోలీవుడ్‌, మాలీవుడ్‌ నుండి అగ్ర కథానాయకులు వివిధ పాత్రల్లో నటిస్తున్నారు. 

అలాంటప్పుడు టాలీవుడ్‌ నుండి స్టార్‌ హీరో అయిన నాగార్జున నటిస్తే సినిమాకి వెయిట్‌ మరింత పెరుగుతుంది. నాగార్జున కోసం ఈ సినిమాలో క్యారెక్టర్‌ని వెతికే పనిలో చిత్ర యూనిట్‌ ఉందని మరో పక్క ఫిల్మ్‌ వర్గాల్లో టాక్‌ వినిపిస్తోంది. మెగా ఫ్యామిలీ నుండి పవన్‌ కళ్యాణ్‌, సాయి ధరమ్‌తేజ్‌ ఈ సినిమాలో నటిస్తున్నారంటూ గాసిప్స్‌ ఇప్పటికే చక్కర్లు కొడుతున్నాయి. అందులో తాజాగా ఈ గాసిప్‌ కూడా చేరిపోయింది. ఆఫ్‌ స్క్రీన్‌ వీరి అనుబంధానికే అభిమానులు ఇంత హ్యాపీ ఫీలవుతుంటే, ఇక ఆన్‌స్క్రీన్‌ ఈ ఇద్దరినీ చూశారంటే, పండగే పండగ. 

అయినా ఇప్పుడు ఒక హీరో సినిమాలో మరో హీరో గెస్ట్‌ రోల్స్‌లో నటిస్తూ, ఆ సినిమా వెయిట్‌ని పెంచేందుకు దోహదపడుతున్నారు. ఈ మార్పు సినీ పరిశ్రమకు చాలా ఆరోగ్యకరమైనది. ఆహ్వానించదగ్గది. తాజాగా ప్రచారంలో ఉన్న ఈ గాసిప్‌ నిజమైతే నిజంగానే చాలా బావుంటుంది. సురేందర్‌ రెడ్డి ఈ సినిమాని తెరకెక్కిస్తున్నారు. కొణిదెల ప్రొడక్షన్స్‌ బ్యానర్‌లో చరణ్‌ ఈ సినిమాని తెరకెక్కిస్తున్నారు. నయనతార హీరోయిన్‌గా నటిస్తోంది.