టాలీవుడ్ లో క్రియేటివ్ డైరెక్టర్ గా మంచి పేరు తెచ్చుకున్న కృష్ణవంశీ, ఎన్నో సంవత్సరాల క్రితమే తనకంటూ ఒక గుర్తింపు తెచ్చుకున్నాడు. కానీ ఈ మధ్య కాలంలో తాను తీస్తున్న సినిమాల రిజల్ట్ విషయంలో పూర్తిగా పట్టు తప్పాడని, అనుభవం పెరుగుతున్నా అర్థం లేని సినిమాలు తీస్తూ, టార్చర్ పెడుతున్నాడని చాలా మంది అభిప్రాయం.

లేటెస్ట్ గా కృష్ణవంశీ తీసిన సినిమా నక్షత్రం. దాదాపు రూ. 22 కోట్ల బడ్జెట్ తో ఈ సినిమాను నిర్మించారు. సందీప్ కిషన్, సాయి ధరమ్ తేజ్, రెజీనా, ప్రగ్యా జైస్వాల్ నటించిన ఈ సినిమాపై ప్రేక్షకుల్లో చాలా నమ్మకం ఏర్పడింది. అయితే సినిమా విడుదల విషయంలో చేసిన జాప్యం కారణంగా, సినిమా పై వచ్చిన హైప్ అంతా పోయింది.

తీరా విడుదలైన తర్వాత ఈ సినిమాకి వచ్చిన టోటల్ కలెక్షన్స్ చూసి ట్రేడ్ వర్గాలు షాక్ కి గురయ్యాయి. రూ. 4 కోట్ల 16 లక్షలు మాత్రమే ఈ సినిమా కలెక్ట్ చేసిందట. ఓవర్సీస్ లో ఈ సినిమా 3 లక్షలు మాత్రమే రాబట్టిందంటే పరిస్థితిని అర్ధం చేసుకోవచ్చు.

కాని శాటిలైట్ రైట్స్ రూపంలో ఈ సినిమా రూ. 3 కోట్లకి అమ్ముడుపోవడం, నిర్మాతలకి కొంచెం ఊరట కలిగించిందని చెప్పుకోవచ్చు.