నాని హీరోగా రాజమౌళి తెరకెక్కించిన సినిమా 'ఈగ' సెన్సేషనల్‌ విజయం అందుకుంది. అయితే ఇప్పుడు నాని మరో సెన్సేషన్‌ సృష్టించబోతున్నాడు. నాని నిర్మాతగా ఓ సినిమా తెరకెక్కుతోన్న సంగతి తెలిసిందే. అదే 'అ'. చాలా ఇంట్రెస్టింగ్‌ సబ్జెక్ట్‌ అట . ఈ సినిమా నుండి ఒక్కో క్యారెక్టర్‌నీ ఒక్కో కాన్సెప్ట్‌తో డిజైన్‌ చేసి విడుదల చేస్తున్నారు. 

తాజాగా ఈ సినిమా నుండి వచ్చిన క్యారెక్టర్‌ ఎవరో తెలుసా? ఒక 'చేప'. ఆ చేప పాత్రలో నాని నటిస్తున్నాడా? ఏమో అలాగే అనిపిస్తోంది. హ్యుమేనిటేరియన్‌ ఫిస్‌ అంటూ ఓ చేప పోస్టర్‌ని రిలీజ్‌ చేసింది చిత్ర యూనిట్‌. ఈ సినిమాకి నాని వాయిస్‌ ఓవర్‌ ఇస్తున్నాడని అయితే చెప్పాడు. కానీ నటిస్తున్నానని చెప్పలేదు. మరి ఈ తాజా పోస్టర్‌ చూస్తుంటే నాని నటిస్తున్నాడేమో అని భావించాల్సి వస్తోంది. ఈ సినిమాలో చాలా మంది ఆర్టిస్టులు కీలక పాత్రలు పోషిస్తున్నారు. 

వారిలో ముద్దుగుమ్మ రెజీనా పాత్ర షాకింగ్‌ అని చెప్పాలి. రెజీనా పోస్టర్‌ చూస్తుంటే ఆమె ఓ నెగిటివ్‌ రోల్‌లో నటిస్తోందనిపిస్తోంది. ఒంటి నిండా టాటూలు. పవర్‌ ఫుల్‌ చూపులతో సరికొత్తగా కనిపిస్తోంది రెజీనా. ఇక నిత్యామీనన్‌ క్యారెక్టర్‌ కూడా కొత్తగానే కనిపిస్తోంది. అవసరాల శ్రీనివాస్‌ ఓ సైంటిస్టు పాత్రలో నటిస్తున్నాడని తెలుస్తోంది. ఇలా ఈ సినిమాలో నటించే ప్రతీ ఒక్కరూ డిఫరెంట్‌ పాత్రల్లో కనిపిస్తున్నారు. క్యారెక్టర్స్‌ని పరిచయం చేస్తూ పోస్టర్స్‌ విడుదల చేశారు. ఇప్పుడు నాని క్యారెక్టర్‌ని ఇదిగో ఇలా పరిచయం చేశారు. 

ఏమో నాని గతంలో 'ఈగ'లా నటించి ఆకట్టుకున్నాడు. ఇప్పుడు ఫిష్‌లా నటిస్తాడేమో చూడాలి. ప్రశాంత్‌ దర్శకత్వంలో వాల్‌ పోస్టర్‌ సినిమా బ్యానర్‌లో ఈ సినిమా రూపొందుతోంది.