నేను లోక‌ల్‌... అంటూ బాబుగాడు అద‌ర‌గొట్టేశాడు. శుక్ర‌వారం విడుద‌లైన నేను లోక‌ల్ పాజిటీవ్ టాక్ తో దూసుకుపోతోంది. నాని క్రేజ్‌, కీర్తి సురేష్ గ్లామ‌ర్‌, దేవిశ్రీ పాట‌లూ, దిల్‌రాజు నిర్మాణ విలువ‌లూ ఈ సినిమాకి వెన్నుద‌న్నుగా నిలిచాయి. తొలిరోజు దాదాపుగా 100 % ఆక్యుపెన్సీ సాధించిన నేను లోక‌ల్ ... శ‌నివారం కూడా అంతే దూకుడు ప్ర‌ద‌ర్శించింది. రెండ్రోజుల‌కు క‌లిపి దాదాపుగా రూ.7.5 కోట్ల షేర్ సాధించింది. ఆది వారంతో రూ.10 కోట్ల మైలు రాయి ఈజీగా దాటేస్తుంద‌ని ట్రేడ్ వ‌ర్గాలు అంచ‌నా క‌డుతున్నాయి. ఓవ‌ర్సీస్‌లో ఆఫ్ మిలియ‌న్ మార్క్‌కి ద‌గ్గ‌ర ప‌డుతోందీ చిత్రం. నైజాంలో రెండ్రోజులూ క‌లిపి దాదాపు రూ.3 కోట్ల వ‌సూళ్లు సాధించింది.  సీడెడ్‌లోనూ... నాని గ‌త సినిమాల వ‌సూళ్ల‌ను క్రాస్ చేసుకొంటూ వెళ్లిపోతోంది. శ‌నివారం రెండు పెద్ద సినిమాలు రాబోతున్నాయి. సూర్య సింగం, నాగార్జున ఓం న‌మో వేంక‌టేశాయ ఈ వార‌మే విడుద‌ల అవుతున్నాయి. అప్ప‌టి వ‌ర‌కూ బాబుగారిదే బాక్సాఫీసు.