ఒక టాలెంటెడ్ యాక్ట‌ర్‌, ఇంకో స‌మ‌ర్థుడైన డైరెక్ట‌ర్ క‌లిస్తే, ఒక మాగ్న‌మ్ ఓప‌స్ లాంటి సినిమా వ‌స్తుందంటారు. ఇప్పుడు.. నేచుర‌ల్ స్టార్ నాని, డైరెక్ట‌ర్ రాహుల్ సాంకృత్యాన్ క‌ల‌యిక‌లో వ‌స్తున్న 'శ్యామ్ ‌సింగ రాయ్' అలాంటి అద్వితీయ చిత్రంగా రూపొందుతోంద‌నే న‌మ్మ‌కం అంద‌రిలోనూ క‌లుగుతోంది. ఒక విల‌క్ష‌ణ క‌థ‌తో తీస్తున్న ఈ మూవీలో ఇదివ‌ర‌కెన్న‌డూ క‌నిపించ‌ని గెట‌ప్‌లో నాని క‌నిపించ‌బోతున్నారు.

సాయిప‌ల్ల‌వి, కృతి శెట్టి, మ‌డోన్నా సెబాస్టియ‌న్ లాంటి ముగ్గురు బ్యూటిఫుల్ హీరోయిన్స్ న‌టిస్తోన్న ఈ మూవీని వెంక‌ట్ ఎస్‌. బోయ‌న‌ప‌ల్లి నిర్మిస్తున్నారు.

అపూర్వ‌మైన క‌థ‌తో రూపొందుతోన్న ఈ సినిమాని యాక్ట‌ర్లు, టెక్నీషియ‌న్లు ఒక స్పెష‌ల్ ఫిల్మ్‌గా న‌మ్మి వ‌ర్క్ చేస్తున్నారు. షూటింగ్ ద‌శ‌లోనే ఆ విష‌యం సినిమాకు ప‌నిచేస్తున్న వారంద‌రికీ అర్థ‌మైపోయింది. ప్ర‌స్తుతం ఈ సినిమా షూటింగ్ కోల్‌క‌తాలో జ‌రుగుతోంది. ఈ భారీ షెడ్యూల్‌లో హీరో, ముగ్గురు హీరోయిన్లు స‌హా ప్ర‌ధాన తారాగ‌ణ‌మంతా పాల్గొంటున్నారు. అక్క‌డ ప‌లు కీల‌క స‌న్నివేశాల‌ను తీస్తున్నారు.

రాహుల్ ర‌వీంద్ర‌న్‌, ముర‌ళీ శ‌ర్మ‌, అభిన‌వ్ గోమ‌టం కీల‌క పాత్ర‌లు పోషిస్తున్నారు.