క్రీడా నేప‌థ్యం... ఇప్పుడు బ‌ల‌మైన క‌మ‌ర్షియల్ అంశం అయిపోయింది. స్పోర్ట్స్ బ్యాక్ డ్రాప్‌లో వ‌చ్చిన బాలీవుడ్ సినిమాలు  వంద‌ల కోట్లు వ‌సూలు చేస్తుండడంతో ఆ వైపుగా దృష్టి సారించింది ద‌క్షిణాది. అందులో భాగంగా న‌య‌న‌తార‌పై ఓ సినిమా రాబోతోందని తెలుస్తోంది.  ప‌రుగుల రాణీ గా పేరు తెచ్చుకొన్న పీటీ ఉష జీవిత క‌థ‌పై ఓ సినిమా రాబోతోంద‌ని, అందులో న‌య‌న‌తార క‌థానాయిక‌గా న‌టించ‌నున్న‌ద‌ని తెలుస్తోంది. పెరియస్వామి ఈ చిత్రానికి ద‌ర్శ‌కుడు. తెలుగు, త‌మిళ‌, మ‌ల‌యాళ భాష‌ల్లో ఒకేసారి విడుద‌ల చేస్తారు.  ఈ పాత్ర కోసం న‌య‌న‌తార‌కు ప్ర‌త్యేక శిక్ష‌ణ ఇవ్వ‌నున్నార్ట‌.  పీటీ ఉష పాత్ర కోసం న‌య‌న త్వ‌ర‌లోనే బ‌రువు త‌గ్గ‌బోతోంద‌ని, ప్ర‌త్యేక క‌స‌రత్తులు ప్రారంభించ‌నున్న‌ది తెలుస్తోంది.  ''న‌య‌న  ఓ అథ్లెట్ గా క‌నిపించ‌నుంది. అయితే అది పీటీ ఉష క‌థ నా, కాదా అనేది ఇప్పుడే చెప్ప‌లేం'' అని న‌య‌న తార స‌న్నిహిత వ‌ర్గాలు వ్యాఖ్యానిస్తున్నాయి.