యంగ్‌ హీరో నితిన్‌ హీరోగా తెరకెక్కుతోన్న సినిమా 'లై'. నితిన్‌ కెరీర్‌లోనే తొలి భారీ బడ్జెట్‌ మూవీగా ఈ సినిమా రూపొందుతోంది. 'కృష్ణగాడి వీర ప్రేమగాధ' డైరెక్టర్‌ హను రాఘవపూడి ఈ సినిమాని తెరకెక్కిస్తున్నాడు. టీజర్‌తోనే తన టాలెంట్‌ చూపించి, ఇండస్ట్రీ దృష్టిని ఆకర్షి:చేశాడు డైరెక్టర్‌ హను రాఘవపూడి. ఇక నితిన్‌ అయితే తన దేవుడు పవన్‌ కళ్యాణ్‌ స్టిల్స్‌ని మక్కీకి మక్కీ దించి చూపించేశాడు 'లై' టీజర్‌లో. టైటిల్‌కి తగ్గట్లుగానే 'అబద్ధం' తాలూకు గొప్పతనమేంటో సినిమాలో చూపించబోతున్నట్లు టీజర్‌లోని డైలాగ్స్‌ సంకేతాలిచ్చాయి. టీజరే అలా ఉంటే ఇక ట్రైలర్‌ ఇంకెలా ఉండబోతోంది? అని ఆశక్తి అందరిలోనూ ఉంది. ఆ సస్పెన్స్‌కి త్వరలోనే తెర పడబోతోంది. మరి కొద్ది రోజుల్లోనే 'లై' ట్రైలర్‌ని తీసుకు రాబోతున్నారు. ఆగష్టు మొదటి వారంలో ట్రైలర్‌ని రిలీజ్‌ చేయనున్నారు. ఆగష్టు 11న ఈ సినిమా ప్రేక్షకుల ముందుకు రానుంది. నితిన్‌ సరసన మేఘా ఆకాష్‌ అనే కొత్త మ్మాయి హీరోయిన్‌గా నటిస్తోంది. సీనియర్‌ నటుడు ఆర్జున్‌ ఈ సినిమాలో కీలక పాత్రలో నటిస్తున్నాడు. అది బహుశా నెగిటివ్‌ రోల్‌ కావచ్చని అంటున్నారు. టీజర్‌లో హీరో నితిన్‌తో పాటు, అర్జున్‌ని కూడా చాలా పవర్‌ ఫుల్‌గా చూపించారు. ఈ ఇద్దరి కాంబినేషన్‌లో గతంలో 'శ్రీ ఆంజనేయం' సినిమా వచ్చింది. ఈ సారి వస్తోన్న 'లై' మాంచి యాక్షన్‌ అండ్‌ థ్రిల్లింగ్‌ మూవీ. నితిన్‌ కొత్త గెటప్‌తో చాలా స్టైలిష్‌గా కనిపించనున్నాడు ఈ సినిమాలో.