నాని న‌టించిన జెంటిల్‌మేన్‌తో తెలుగు తెర‌కు ప‌రిచ‌యమైంది నివేదా థామ‌స్‌. ఆ సినిమా హిట్ట‌వ్వ‌డంతో పాటు నివేదాకు మంచి బ్రేక్ ఇచ్చింది. ఇప్పుడు ఏకంగా ఎన్టీఆర్‌తో క‌ల‌సి న‌టించే బంప‌ర్ ఆఫ‌ర్ అందుకొంది. ఎన్టీఆర్ - బాబి కాంబినేష‌న్‌లో ఓ చిత్రం తెర‌కెక్కుతున్న సంగ‌తి తెలిసిందే. ఈ సినిమాలో ముగ్గురు క‌థానాయిక‌లుంటారు. ఓ నాయిక పాత్ర కోసం నివేదాని సంప్ర‌దించింది చిత్ర‌బృందం. ఎన్టీఆర్‌తో సినిమా అంటే... క‌థానాయిక‌లంతా క‌ళ్లు మూసుకొని ఒప్పుకొంటారు. కానీ.. నివేదా మాత్రం అందుకు రివ‌ర్స్‌!  చిత్ర‌బృందానికి కొన్ని కండీష‌న్లు పెట్టి షాక్ ఇచ్చింద‌ట‌. నివేదా ప్ర‌స్తుతం ఇంజ‌నీరింగ్ ఫైన‌ల్ ఇయ‌ర్ చ‌దువుతోంది. మార్చి - ఏప్రిల్‌ల‌లో త‌న‌కు ప‌రీక్ష‌లున్నాయి. అవి పూర్త‌య్య‌కే కాల్షీట్లు ఇస్తానంటోంద‌ట‌. అంత‌కంటే ముందు కావాలంటే నావ‌ల్ల కాదు అంటూ తెగేసి చెప్పేసింద‌ట‌. ప‌రీక్ష‌లు అయ్యేంత వ‌ర‌కూ ఆగండి.. లేదంటే మ‌రో క‌థానాయిక‌ని చూసుకోండి అంటూ కండీష‌న్ పెట్టింద‌ట‌. దాంతో చిత్ర బృందం ఇప్పుడు క‌న్‌ఫ్యూజ‌న్‌లో ప‌డింది. నివేదా కోసం షెడ్యూల్ మార్చుకోవాలా?  లేదంటే నివేదానే మార్చేయాలా? అంటూ ఆలోచిస్తోంద‌ట‌. 'ముందు ప‌రీక్ష‌లు.. ఆ త‌ర‌వాతే సినిమా' అంటున్న నివేదా... ఎన్టీఆర్‌కే ప‌రీక్ష పెట్టింద‌న్న‌మాట‌.