ఎన్టీయార్‌ హీరోగా బాబి దర్శకత్వంలో కొత్త సినిమా రూపొందుతోన్న సంగతి తెలిసిందే. 'జై లవ్‌ కుష' అని ఈ సినిమాకు టైటిల్‌ నిర్ణయించారు. ఈ సినిమాలో ఎన్టీఆర్‌ ట్రిపుల్‌ రోల్‌లో కనిపిస్తాడు. సినిమాలో లక్ష్మీరాయ్‌ ఐటమ్‌ సాంగ్‌ చేయనుందని సమాచారమ్‌. ఎన్టీయార్‌ ఆర్ట్స్‌ పతాకంపై నందమూరి కళ్యాణ్‌రామ్‌ ఈ చిత్రాన్ని నిర్మిస్తున్నాడు. త్వరలో ఈ సినిమా లాంఛనంగా ప్రారంభమవుతుంది. చిరంజీవి హీరోగా నటించిన 'ఖైదీ నెంబర్‌ 150' సినిమాలోని ఐటమ్‌ సాంగ్‌తో 'రత్తాలు'గా లక్ష్మీరాయ్‌ పేరు మార్మోగిపోతోంది. అంతకు ముందు పవన్‌కళ్యాణ్‌తో 'సర్దార్‌ గబ్బర్‌సింగ్‌'లో ఐటమ్‌ సాంగ్‌ చేసింది. అలాగే రవితేజతో కూడా ఓ సినిమాలో ఐటమ్‌ సాంగ్‌ చేసింది లక్ష్మీరాయ్‌. తెలుగులో ఐటమ్‌ సాంగ్‌ అంటే ముందుగా ఇప్పుడు లక్ష్మీరాయ్‌ పేరే వినిపిస్తోందనడం అతిశయోక్తి కాకపోవచ్చు. 'జై లవ్‌ కుష' సినిమాకొస్తే ఈ సినిమాలో ఎన్టీయార్‌ త్రిపాత్రాభినయం చేస్తున్నాడు. గతంలో 'ఆంధ్రావాలా', 'అదుర్స్‌' సినిమాల్లో ద్విపాత్రాభినయం చేసి మెప్పించిన ఎన్టీయార్‌ ఈ సినిమాని అత్యంత ప్రతిష్టాత్మకంగా భావిస్తున్నాడని నిస్సందేహంగా చెప్పవచ్చు. 'టెంపర్‌', 'నాన్నకు ప్రేమతో', 'జనతా గ్యారేజ్‌' సినిమాలతో హ్యాట్రిక్‌ హిట్‌ కొట్టిన ఎన్టీయార్‌ ఈ సినిమాతో కొత్త హ్యాట్రిక్‌కి శ్రీకారం చుడతాడని ఆయన అభిమానులు విశ్వసిస్తున్నారు.
