ఉప్పెన‌తో అంద‌రి దృష్టినీ ఆక‌ర్షించాడు సుకుమార్ శిష్యుడు బుచ్చిబాబు. ఈ సినిమాతో పెద్ద హీరోల దృష్టిలో ప‌డిపోయాడు. ఏకంగా ఎన్టీఆర్ నుంచే.. పిలుపు అందుకున్నాడు బుచ్చి. ఎన్టీఆర్ కోసం బుచ్చి ఓ క‌థ రెడీ చేస్తున్నాడ‌ని, వీరిద్ద‌రి కాంబినేష‌న్‌లో ఓ సినిమా త‌ప్ప‌కుండా ఉంటుంద‌న్న వార్త‌లొచ్చాయి.

అయితే.. ఎన్టీఆర్ స‌రిప‌డ క‌థ త‌యారు చేయ‌డంలో... బుచ్చి ఫెయిల్ అయ్యాడ‌ని టాక్‌. ఎన్టీఆర్ కోసం త‌న ద‌గ్గ‌ర ఓ క‌థ ఉంద‌ని చెప్పుకున్న బుచ్చి ఇప్ప‌టి వ‌ర‌కూ ఫుల్ నేరేష‌న్ ఇవ్వ‌లేద‌ట‌. `ఫుల్ నేరేష‌న్ ఇస్తే.. వెంట‌నే నీతో సినిమా చేసేస్తా` అని ఎన్టీఆర్ ఆఫ‌ర్ ఇచ్చినా, బుచ్చి క‌థ రెడీ చేసుకోలేక‌పోయాడ‌ని ఇన్ సైడ్ వ‌ర్గాల టాక్‌. ఎన్టీఆర్ కోసం క‌థ కావాలంటే మ‌రో ఆరు నెల‌లు ఎదురు చూడ‌మ‌ని బుచ్చిబాబు నిర్మాత‌ల‌తో చెబుతున్నాడ‌ట‌. దాంతో.. ఎన్టీఆర్ - బుచ్చి సినిమాకు బ్రేకులు ప‌డిన‌ట్టైంది. ఇప్పుడు కాక‌పోయినా ఎప్పుడైనా వీళ్ల కాంబోలో ఓ సినిమా అయితే క‌చ్చితంగా ఉంటుంది. కాక‌పోతే ఓ అగ్ర హీరో పిలిచి సినిమా చేద్దాం అన్నా, క‌థ రెడీ చేసుకోలేదంటే - బుచ్చిది కాస్త బ్యాడ్ ల‌క్కే అనుకోవాలి.