ఎన్టీయార్‌ హీరోగా కళ్యాణ్‌రామ్‌ నిర్మాతగా రూపొందనున్న సినిమాలో హీరోయిన్లుగా కాజల్‌ అగర్వాల్‌, తమన్నా ఎంపికయ్యారని సమాచారమ్‌. ముందుగా ఈ సినిమా కోసం రాశి ఖన్నాని ఎంపిక చేశారు. సినిమాలో మొత్తం ముగ్గురు హీరోయిన్లకు స్కోప్‌ ఉంది. ఎందుకంటే, ఎన్టీయార్‌ త్రిపాత్రాభినయం చేస్తున్నాడు. బాబీ ఈ చిత్రానికి దర్శత్వం వహిస్తున్నారు. 'టెంపర్‌', 'నాన్నకు ప్రేమతో', 'జనతా గ్యారేజ్‌' చిత్రాల తర్వాత ఎన్టీయార్‌ చేస్తున్న చిత్రమిది. అత్యంత భారీ సక్సెస్‌ సినిమాలు ఇవి. వీటిలో ప్రతీ సినిమాకీ నటనలో వేరియేషన్‌ చూపించి ఆకట్టుకున్నాడు ఎన్టీఆర్‌. ఆ లెక్కల్లో అత్యంత ప్రతిష్టాత్మకంగా రూపొందుతోంది ఈ సినిమా. కాజల్‌, తమన్నా ఈ చిత్రంలో హీరోయిన్లుగా నటించడం ఖాయమైతే, ఈ సినిమాకి అదనంగా ఇంకాస్త స్టార్‌ వాల్యూ తోడైనట్లుగా ఉంటుంది. కాజల్‌తో ఎన్టీయార్‌ 'టెంపర్‌', 'బృందావనం' సినిమాలు చేయగా, తమన్నా 'ఊసరవెల్లి' సినిమాలో ఎన్టీయార్‌తో రొమాన్స్‌ చేసింది. ఇంత వరకూ ఈ సినిమాకి హీరోయిన్స్‌గా కొత్త భామలనే పరిశీలించారు. అయితే ఈ సినిమాలో కథకి ఎక్కువ ప్రాధాన్యత ఉండడంతో సీనియర్‌ హీరోయిన్లు అయితే బావుంటుందని చిత్ర యూనిట్‌ భావిస్తోందట. ఈ సినిమాలో హీరోయిన్లుగా ఎంపికయ్యాం అనుకున్న కొత్త భామలకు ఇది పెద్ద షాకే.