ఎన్టీఆర్‌ కొత్త సినిమా బాబీ దర్శకత్వంలో తెరకెక్కుతోందన్న సంగతి తెలిసిందే. అతి త్వరలో ఈ సినిమా సెట్స్‌ మీదికెళ్లనుంది. 'జనతా గ్యారేజ్‌' బంపర్‌ విజయం తర్వాత రాబోతున్న సినిమా కావడంతో ఈ సినిమా విషయంలో చాలా జాగ్రత్తలు తీసుకుంటున్నాడు ఎన్టీఆర్‌. ఈ సినిమాకి ఇంతవరకూ 'బ్రదర్స్‌' అనే టైటిల్‌ని అనుకుంటున్నట్లు ప్రచారం జరుగుతోంది. కొత్తగా మరో టైటిల్‌ తెర పైకి వచ్చింది. అదే 'జై లవకుశ'. ఈ పేరు పౌరాణిక సినిమాకి లింక్‌ అప్‌గా అనిపిస్తోంది. కానీ సినిమా మాస్‌ ఎంటర్‌టైనర్‌ అని తెలుస్తోంది. అయితే టైటిల్‌ మాత్రం కొత్తగా అనిపిస్తోంది. అయితే ఇక్కడే అసలు ట్విస్ట్‌ ఉంది. ఈ సినిమాలో ఎన్టీఆర్‌ ట్రిపుల్‌ రోల్‌లో నటిస్తున్నాడు. అందుకే సినిమాకి టైటిల్‌ని 'జయ్‌..లవ..కుశ' అని టైటిల్‌ని రిజిస్టర్‌ చేయించాడట ఈ సినిమా నిర్మాత కళ్యాణ్‌రామ్‌. అంటే మూడు పాత్రల్లో నటిస్తున్న ఎన్టీఆర్‌ పేర్లు కావచ్చు ఇవి. ఎన్టీఆర్‌ బ్యానర్‌పై ఈ చిత్రం రూపొందుతోంది. మొత్తానికి టైటిల్‌కి మంచి రెస్పాన్స్‌ వస్తోంది. అదిందయ్యా కళ్యాణ్‌రామ్‌ అంటున్నారు నందమూరి అభిమానులు టైటిల్‌ని. ఇకపోతే ఈ సినిమాలో ముగ్గురు భామలు హీరోయిన్స్‌గా నటించాల్సి ఉంది. ముద్దుగుమ్మ అనుపమా పరమేశ్వరన్‌ పేరు ఇప్పటికే ప్రచారంలో ఉంది. అలాగే కాజల్‌, కీర్తి సురేష్‌ మరో కొత్త భామ పేర్లు కూడా వినిపిస్తున్నాయి.