ఆర్.ఆర్.ఆర్ పేరెత్తితే చాలు.. రికార్డులు దాసోహం అంటున్నాయి. ఇటీవ‌ల చిత్ర‌బృందం విడుద‌ల చేసిన నాటు నాటు పాట.. ఎంత పాపుల‌ర్ అయ్యిందో ప్ర‌త్యేకంగా చెప్పాల్సిన ప‌నిలేదు. ఈపాట యూ ట్యూబ్ లో దుమ్ము రేపుతోంది. ఇదొక్క‌టే కాదు. ఆర్.ఆర్.ఆర్ నుంచి ఎలాంటి అప్ డేట్ వ‌చ్చినా... అది ఇండ్ర‌స్ట్రీని షేక్ చేసేస్తోంది. ఇప్పుడు మ‌రోసారి టాలీవుడ్ ని కుదిపేసే అప్ డేట్ రాబోతోంద‌ట. అదేంటంటే.. ఈసినిమాలో ఎన్టీఆర్ ఓ పాట పాడాడ‌ట. ఆ పాట త్వ‌ర‌లోనే విడుద‌ల చేస్తార‌ట.
ఈ సినిమాలో `జ‌న‌నీ` అనే ఓ పాట ఉంద‌ని, అది ఎన్టీఆర్ తో పాడించారని వార్త‌లొస్తున్నాయి. ఎన్టీఆర్ కి పాటలు పాడ‌డం కొత్తేం కాదు. ఇది వ‌ర‌కు `య‌మదొంగ’, ‘కంత్రీ’, ‘అదుర్స్‌’, ‘నాన్నకు ప్రేమతో’ లాంటి చిత్రాల్లో తారక్‌ పాటలు పాడి అలరించారు. ఎన్టీఆర్ పాడిన ప్రతి పాట సూపర్‌హిట్టే! కన్నడలో పునీత్‌ రాజ్‌కుమార్‌ కోసం తారక్‌ ఓ పాటను ఆలపించారు. కొంత గ్యాప్‌ తర్వాత తారక్‌ మళ్లీ గొంతు సవరించుకున్నారని టాక్‌ వినిపిస్తోంది. ఆర్‌ఆర్‌ఆర్‌ కోసం ఎం.ఎం.కీరవాణి తారక్‌తో ఓ పాట పాడించారని టాక్‌. ఇదే నిజమైతే సినిమాపై క్రేజ్‌ మరోస్థాయికి చేరుకోవ‌డం, ఈ పాట ఆర్.ఆర్.ఆర్‌లో సెంట్రాఫ్ ఎట్రాక్ష‌న్ గా నిల‌వ‌డం ఖాయం.
