అనిల్ రావిపూడి కామెడీ సినిమాలు బాగా తీస్తాడు. అందులోనే హీరోయిజం ఉండేలా జాగ్ర‌త్త ప‌డ‌తాడు. ఈసారీ అలాంటి క‌థే రెడీ అయింద‌ని తెలుస్తోంది. చాలా త‌క్కువ రోజుల్లో ఈ సినిమాని పూర్తి చేయాల‌ని ప్లాన్‌. ఈ క‌థ‌పై ప్ర‌స్తుతం చ‌ర్చ‌లు జరుగుతున్నాయ‌ని, క‌థ ఏమాత్రం న‌చ్చినా, ప‌వ‌న్ ఈ ప్రాజెక్టుకి గ్రీన్ సిగ్న‌ల్ ఇవ్వ‌డం ఖాయ‌మ‌ని ఇండ్ర‌స్ట్రీ వ‌ర్గాలు చెప్పుకుంటున్నాయి. ఈ సినిమా ఓకే అంటే.. ప‌వ‌న్‌కి కోరినంత పారితోషికం ఇవ్వ‌డానికి దిల్ రాజు సిద్ధంగానే ఉన్నాడ‌ని టాక్‌. చూస్తుంటే... మ‌రో క్రేజీ కాంబినేష‌న్ దాదాపుగా సెట్ట‌యిపోయిన‌ట్టే క‌నిపిస్తోంది.

ప‌వ‌న్ క‌ల్యాణ్ సినిమా చేయ‌న‌ని ఎవ‌రికి ఉండ‌దు? ఆయ‌న ఎంత బిజీలో ఉన్నా స‌రే, ఆయ‌న సినిమాలు చేస్తారా, లేదా? అనే అనుమానాలు వ‌స్తున్నా స‌రే, ప‌వ‌న్ కోస‌మే కొత్త క‌థ‌లు పుడుతున్నాయి. తాజాగా ఓ ద‌ర్శ‌కుడు ప‌వ‌న్ తో సినిమా చేయాల‌ని శ‌త విధాలా ప్ర‌య‌త్నిస్తున్న‌ట్టు స‌మాచారం. ఆ ద‌ర్శ‌కుడు ఎవ‌రో కాదు.. అనిల్ రావిపూడి.

ప‌టాస్ నుంచి స‌రిలేరు నీకెవ్వ‌రు వ‌ర‌కూ... అనిల్ రావిపూడి విజ‌య యాత్ర కొన‌సాగుతూనే ఉంది. ప్ర‌స్తుతం ఎఫ్ 3తో బిజీగా ఉన్నారాయ‌న‌. త్వ‌ర‌లోనే బాల‌కృష్ణ‌తో ఓసినిమా చేయ‌డానికి రంగం సిద్ధం చేసుకుంటున్నారు. ఈలోగా ప‌వ‌న్ కోసం ఓ క‌థ రెడీ చేసిన‌ట్టు టాక్‌. దిల్ రాజు ఈ క‌థ‌ని ప‌వ‌న్ ద‌గ్గ‌ర‌కు తీసుకెళ్లార‌ట‌.