పవన్ కళ్యాణ్ పుట్టినరోజు ఆయనకెంత ప్రత్యేకమో తెలియదు కాని ఆయన అభిమానులకి మాత్రం పండగ రోజు. అలాంటి ఈ రోజున ఆయన అభిమానులకి ఒక తీయటి కబురు.
అదే ఆయన 25వ చిత్రానికి సంబందించిన టైటిల్ సంగతి. అందుతున్న సమాచారం ప్రకారం ఈ చిత్రానికి ‘అజ్ఞాతవాసి’ అనే టైటిల్ ని సదరు చిత్ర యూనిట్ ఫిక్స్ చేశారట. ఈ చిత్ర నిర్మాణ సమస్త కూడా టైటిల్ ని ఛాంబర్ లో రిజిస్టర్ చేసినట్టు తెలుస్తున్నది.
ఇక ఈ చిత్రంలో ఆయన ఒక సాఫ్ట్ వేర్ ఇంజనీర్ పాత్రలో కనిపించనుండడం అలాగే ఈ తెల్లవారుజామున సంగీత దర్శకుడు అనిరుద్ విడుదల చేసిన పాటలోని మాటలని వింటుంటే ఇది నిజమే అనిపిస్తున్నది.
మొత్తానికి.. పవన్ ఈ చిత్రంలో ‘అజ్ఞాతవాసం’ చేస్తున్న ఒక పాత్రలో కనువిందు చేయబోతున్నాడు.
