పాన్ ఇండియా స్టార్ ప్రభాస్ క్రేజీ లైనప్ తో దూసుకుపోతున్నాడు. చేతి నిండా బడా ప్రాజెక్టులే. ప్రజంట్ నాగ అశ్విన్ తెరకెక్కిస్తున్న కల్కి షూటింగ్ షెడ్యూల్లో ఉన్నాడు. ఇందుకోసం ఇటలీ వెళ్ళాడు డార్లింగ్. నెక్స్ట్ సలార్ 2 కూడా స్టార్ట్ అవుతుందని సమాచారం. సందీప్ వంగా తో స్పిరిట్, హను రాఘవ పూడి తో ఒక ప్రాజెక్ట్ ఇలా వరస సినిమాలతో ఇంకో రెండు, మూడేళ్లు ప్రభాస్  డేట్స్ ఖాళీలేవని టాక్. ఇవి కాకుండా డైరెక్టర్ మారుతీ దర్శకత్వం లో 'రాజా సాబ్' షెడ్యూల్ జరుగుతోంది. ఈ సినిమా అఫీషియల్ అనౌన్స్ మెంట్ రాకముందే  కొన్నాళ్ళు షూటింగ్ జరిగినట్లు సమాచారం.

తరవాత అధికారకంగా ఈ మూవీ టైటిల్‌ తో పాటు, ఫస్ట్ లుక్‌ని కూడా రిలీజ్ చేశారు. ప్రజంట్ ప్రభాస్ సినిమాలన్నీ పానిండియా వైడ్ తెరకెక్కుతున్నాయి. కానీ మారుతీ ప్రభాస్ సినిమా పానిండియా, లేదా అన్న సందేహం లో ఉన్న ఫాన్స్ కి మారుతీ క్లారిటీ ఇచ్చారు. ప్రభాస్ రేంజ్ కి తగినట్టే పాన్ ఇండియా ఇమేజ్ కి తగ్గట్టుగానే తన సినిమా ఉంటుందని వెల్లడించారు.  అంతే కాదు  ప్రభాస్ అసిస్టెంట్, మిత్రుడు శ్రీను చేసిన కామెంట్స్ వీటికి బలం చేకూర్చాయి.

"రాజాసాబ్ పాన్ ఇండియా కంటే పెద్ద ప్రాజెక్ట్. ఈ సినిమా చాలా డిఫరెంట్ గా ఉంటుంది. రెగ్యులర్ సినిమాలా ఉండదని, ఎప్పుడూ చూడని కొత్త  యాంగిల్స్ ఈ సినిమాలో మీరు చూస్తారు” అంటూ శ్రీను పేర్కొన్నాడు.  ఈ ఇన్ఫర్మేషన్ ప్రభాస్ ఫాన్స్ లో  మరిన్ని అంచనాలను పెంచింది. పీపుల్ మీడియా ఫ్యాక్టరీ నిర్మిస్తున్న ఈ చిత్రాన్ని డిసెంబర్ నాటికి ఆడియన్స్ ముందుకు తీసుకురానున్నట్లు తెలుస్తోంది. నిధి అగర్వాల్,  మాళవిక మోహనన్ లు హీరోయిన్స్ గా నటిస్తుండగా, థమన్ సంగీతం అందిస్తున్నారు.