మురుగదాస్‌ దర్శకత్వంలో 'స్పైడర్‌' సినిమా తెరకెక్కుతోంది. మహేష్‌బాబు హీరోగా తెరకెక్కుతోన్న ఈ సినిమా ఈ నెల 27న ప్రేక్షకుల ముందుకు రానుంది. తెలుగు, తమిళ భాషల్లో ఒకేసారి రూపొందుతోన్న సినిమా ఇది. అయితే ఈ సినిమా తర్వాత మురుగదాస్‌ తెలుగులో చేయబోయే సినిమా కూడా ఫైనల్‌ అయిపోయిందని సమాచారమ్‌. చాలా కాలం తర్వాత మహేష్‌తో తెలగులో సినిమా చేస్తున్నాడు మురుగదాస్‌. ఈ సారి గ్యాప్‌ లేకుండా మరో సినిమాకీ రంగం సిద్ధం చేస్తున్నాడనీ ఫిల్మ్‌ నగర్‌ వర్గాల టాక్‌. ఈ సారి మురుగదాస్‌ ప్రభాస్‌తో సినిమా చేయాలనుకుంటున్నాడని తెలియవస్తోంది. ప్రస్తుతం 'సాహో' సినిమాలో నటిస్తున్నాడు ప్రభాస్‌. ఆ తర్వాత చేయబోయేది మురుగదాస్‌ సినిమాయేనట. ప్రభాస్‌కి 'బాహుబలి'తో పెరిగిన మార్కెట్‌ నేపథ్యంలో తెలుగు, తమిళ, హిందీ భాషల్లో తనకున్న ఇమేజ్‌ని దృష్టిలో పెట్టుకుని ఓ అద్భుతమైన స్క్రిప్ట్‌ని మురుగదాస్‌ ఇప్పటికే రెడీ చేశాడట. 2018లో ఈ సినిమా సెట్స్‌ మీదకు వెళ్ళనుందని ఊహాగానాలు వినవస్తున్నాయి. సుజిత్‌ దర్శకత్వంలో ప్రబాస్‌ 'సాహో' సినిమా చేస్తున్నాడు. ఇదో యాక్షన్‌ మూవీ. ఈ మూవీపైనా భారీ అంచనాలున్నాయి. ఆ అంచనాలకు తగ్గట్టుగా హైలీ టెక్నికల్‌ వేల్యూస్‌తో తెరకెక్కుతోంది ఈ సినిమా. ఇక మురుగదాస్‌ డైరెక్షన్‌ అంటే అంతకన్నా భారీ అంచనాలుంటాయి. అదీ ప్రబాస్‌ కోసం రెడీ చేసిన స్క్రిప్టు అంటే యూనివర్సల్‌ సబ్జెక్ట్‌ అవుతుంది. ఖచ్చితంగా భారీ బడ్జెట్‌ మూవీ అవుతుంది. ఈ సినిమాకి సంబంధించిన పూర్తి వివరాలు త్వరలోనే వెల్లడి కానున్నాయి.