మెగాస్టార్‌తో సినిమా చేయాలని పూరీ ఎప్పటి నుండో అనుకుంటున్నాడు. కానీ కుదరడం లేదు. చిరంజీవి 150వ సినిమాని పూరీనే తెరకెక్కించాలని అనుకున్నాడు. కానీ కుదరలేదు. అయితే ప్రస్తుతానికి కుదరకపోయినా, ఎప్పటికైనా సరే చిరుతో సినిమా చేసి తీరతానంటున్నాడు పూరీ. ఈ మధ్యనే బాలయ్యతో 'పైసా వసూల్‌' సినిమా చేసి హిట్‌ కొట్టాడు పూరీ. చిరంజీవి కోసం తాను ఎప్పటి నుండో కథ సిద్ధం చేసి పెట్టుకున్నాడు. దానికి 'ఆటో జానీ' అనే టైటిల్‌ని కూడా ఫిక్స్‌ చేసి పెట్టుకున్నాడు. ఇదో మాస్‌ మసాలా ఎంటర్‌టైనర్‌. ఆ సబ్జెక్ట్‌ని చిరుతోనే తెరకెక్కించాలని పంతం పట్టి కూర్చున్నాడట పూరీ. ఇదిలా ఉండగా, బాలయ్యతో మళ్లీ ఇంకో సినిమా చేస్తానని పూరీ జగన్నాధ్‌ ప్రకటించాడు. అందుకు బాలయ్య కూడా సమ్మతమే. అయితే బాలయ్య 'పైసా వసూల్‌' తర్వాత ప్రస్తుతం కె.ఎస్‌.రవికుమార్‌ దర్శకత్వంలో ఓ సినిమా చేస్తున్నాడు. నయనతార హీరోయిన్‌గా నటిస్తోంది ఈ సినిమాలో. ఈ సినిమా పూర్తి కాగానే బాలయ్య డేట్స్‌ పూరీ జగన్నాధ్‌కి ఇచ్చాడనీ సమాచారమ్‌. అయితే ఈలోగా పూరీ జగన్నాధ్‌ తన కుమారుడు ఆకాష్‌ పూరీతో ఓ సినిమాని తెరకెక్కించనున్నాడట. చాలా తక్కువ టైంలో సూపర్‌ క్వాలిటీతో సినిమాని తెరకెక్కించడంలో పూరీ రూటే సెపరేటు. ఆ స్పీడ్‌ మెగాస్టార్‌తోనూ పూరి చూపిస్తాడా? ఈ కాంబినేషన్‌ సెంట్స్‌ మీదకు వెళ్ళేదెప్పుడు? లెట్స్‌ వెయిట్‌ అండ్‌ సీ.