హృద‌య కాలేయంతో... హృద‌యాల్ని కొల్ల‌గొట్టేశాడు సంపూ. ఆ సినిమాతో బ‌ర్నింగ్ స్టార్ అయిపోయాడు. సింగం 123లోనూ ఓ ఏంజ్‌లో రెచ్చిపోయాడు. ఇప్పుడు `కొబ్బ‌రి మ‌ట్ట‌`తో సిద్ధ‌మ‌వుతున్నాడు. ఈసినిమాకీ ప్ర‌మోష‌న్ల‌ని భారీ ఎత్తున ప్లాన్ చేస్తున్నారు. ఆమ‌ధ్య విడుద‌లైన టీజ‌ర్‌కి మంచి స్పంద‌న వ‌చ్చింది. ఇప్పుడు ఓ పాట వ‌దులుతున్నారు. ఈరోజు సాయింత్రం 5 గంట‌ల‌కు ఈ పాట‌ని పూరి జ‌గ‌న్నాథ్ చేతులు మీదుగా విడుద‌ల చేస్తున్నారు. ఫేస్ బుక్ లైవ్ ద్వారా పూరి.. ఈ పాట‌ని ఆవిష్క‌రించ‌బోతున్నాడు. పెద్ద పెద్ద సినిమాల‌న్నీ ఆడియో ఫంక్ష‌న్‌లు చేసుకోవ‌డం లేదు. ఒక్కో రోజు ఒక్కో పాట‌ని విడివిడిగా వ‌దులుతున్నారు. సంపూ కూడా.. ఇదే ట్రెండ్ ఫాలో అవుతున్నాడిప్పుడు. కొంప‌దీసి మ‌న‌కు తెలీకుండా సంపూ కూడా పెద్ద హీరో అయిపోలేదు క‌దా..?