పూరీ జగన్నాధ్‌ సినిమాల స్టైలే వేరు. డైరెక్టర్స్‌లో తనదో కొత్త పంథా. హీరో క్యారెక్టరైజేషన్‌ని డిజైన్‌ చేయడంలో పూరిది అందె వేసిన చేయి. విలన్‌ని అస్సలు లెక్క చేయని ధోరణిలో హీరో ఉంటాడు పూరీ సినిమాల్లో. ఏ హీరో అయినా పూరీ జగన్నాధ్‌ దర్శకత్వంలో ఒక్క సినిమా అయినా చేస్తే బాగుండు అనుకుంటారు. అంతలా హీరోని వాడుకుంటాడు పూరీ. పూరీ సినిమాల్లో నటించిన హీరోలు తమలోని కొత్త యాంగిల్‌ని బయటికి తీసుకొస్తారు. అంతేకాదు పూరీ సినిమాల్లో నటించే నటీ నటులకి పని చాలా తేలిక. ఎందుకంటే ఎలా చేయాలి, ఏం చేయాలి అనేది అంతా ఆయనే స్వయంగా చేసి చూపించేస్తాడు. డైరెక్టర్‌ అన్నాకా ఎవరైనా అలాగే చేస్తారులే అనుకుంటే తప్పులో కాలేసినట్లే. ఎందుకంటే తాజాగా పూరీ డైరెక్షన్‌లో ఓ సినిమా తెరకెక్కుతోంది. ఈ సినిమా తెలుగు, కన్నడ భాషల్లో విడుదలవుతోంది. ఇషాన్‌ ఈ సినిమా ద్వారా హీరోగా పరిచయం అవుతున్నాడు. ఈ సినిమాకి సంబంధించిన ఓ వర్కింగ్‌ స్టిల్‌ బయటికి వచ్చింది. అయితే ఈ స్టిల్‌లో ఉన్నది హీరో కాదు మన డైరెక్టర్‌ పూరీ జగన్నాధ్‌. అంటే హీరోకి సీన్‌ వివరిస్తున్నట్లుగా ఉన్న ఫోటో అది. నిజంగా సినిమాలో స్టిల్‌లాగే ఉంది ఆ పోజు చూస్తుంటే. పూరీ జగన్నాధే హీరోలా కనిపిస్తున్నాడిక్కడ. అదీ పూరీ స్టైల్‌ అంటే!