సుకుమార్ సినిమా అంటే లాజిక్కుల‌తో పాటు ఓ ఐటెమ్ పాట ఉండ‌డం కంప‌ల్స‌రీ. ఆర్య నుంచీ ఈ ఆన‌వాయితీ కొన‌సాగుతూనే ఉంది. సుకుమార్ అన‌గానే దేవిశ్రీ ప్ర‌సాద్ కూడా అదిరిపోయే ఐటెమ్ నెంబ‌ర్ కంపోజ్ చేసి పెడ‌తాడు. రంగ‌స్థ‌లంలో జిగేల్ రాణి పాట ఎంత పెద్ద హిట్ట‌య్యిందో తెలిసిందే. ఇప్పుడు `పుష్ప`లోనూ ఓ ఐటెమ్ గీతం ఉంది. ఆపాట‌లోనూ ఓ స్టార్ హీరోయిన్ క‌నిపించ‌బోతోంది. అయితే ఆ స్టార్ హీరోయిన్ ఎవ‌ర‌న్న‌దే ప్ర‌శ్న. ఈ పాట కోసం త‌మ‌న్నా, పూజా హెగ్డే, స‌మంత పేర్లు ప‌రిశీల‌న‌లో ఉన్నాయి. త‌మ‌న్నా ఐటెమ్ గీతాల స్పెష‌లిస్ట్.
సుకుమార్ తో ఇది వ‌ర‌కు 100%ల‌వ్ సినిమా చేసింది. సుకుమార్ అడిగితే.. త‌మ‌న్నా నో చెప్పే ఛాన్సే లేదు. మ‌రోవైపు పూజాతోనూ సుకుమార్‌కి, బ‌న్నీకీ మంచి రాపో ఉంది. రంగ‌స్థ‌లంలో జిగేల్ రాణిగా మెరిసింది పూజానే. అయితే.. సమంతతో ఐటెమ్ సాంగ్ చేయించ‌డం.. స‌మ్ థింగ్ స్పెష‌ల్ గాఉంటుంద‌న్న‌ది సుకుమార్ ఉద్దేశ్యం. ఎందుకంటే స‌మంత ఇప్ప‌టి వ‌ర‌కూ ఐటెమ్ గీతంలో న‌టించ‌లేదు.
ఈ సినిమాలో తాను పాదం క‌లిపితే.. కొత్త‌గానే ఉంటుంది. పైగా రంగ‌స్థ‌లం సెంటిమెంట్ ని కొన‌సాగించిన‌ట్టు అవుతుంది. అందుకే సమంతతో సీరియ‌స్ గా మంత‌నాలు సాగిస్తున్న‌ట్టు స‌మాచారం అందుతోంది. ఒక‌ట్రెండు రోజుల్లో ఐటెమ్ గాళ్ ఎవ‌ర‌న్న విష‌యంలో ఓ క్లారిటీ వ‌చ్చేస్తుంది.
