వరుస సినిమాలతో నిన్న మొన్నటి దాకా బిజీగా ఉన్న రాశీఖన్నా ఈ మధ్య కొంచెం జోరు తగ్గించింది. అయితే తాజాగా అమ్మడి పేరు స్టార్‌ హీరోల సినిమాల కోసం వినిపిస్తోంది. నిన్న మొన్నటిదాకా చరణ్‌ సినిమాలో రాశీఖన్నా హీరోయిన్‌ అంటూ వార్తలు వచ్చాయి. అందుకోసం ఈ బొద్దుగుమ్మ వర్కవుట్స్‌ చేస్తూ బాగా సన్నబడిందని కూడా ఇండస్ట్రీలో మాట్లాడుకున్నారు. అయితే చరణ్‌తో ఈ ముద్దుగుమ్మ దక్కిందనుకున్న అవకాశం ఇంకా చర్చల దశలోనే ఉంది. ఈలోగా మరో బెస్ట్‌ ఛాన్స్‌ ఆమెని వరించేలా ఉంది. ఎన్టీఆర్‌ - బాబీ దర్శకత్వంలో తెరకెక్కుతోన్న కొత్త సినిమాలో అమ్మడికి ఆఫర్‌ వచ్చిందంటూ గాసిప్స్‌ వస్తున్నాయి. ఈ సినిమాలో ముగ్గురు హీరోయిన్లకు చోటుంది. వారిలో ఇప్పటికే అనపమా పరమేశ్వరన్‌, కాజల్‌ తదితర పేర్లు పరిశీలనలో ఉన్నాయి. వాటిలో తాజాగా రాశీ ఖన్నా పేరు వచ్చి చేరింది. ఈ ముద్దుగుమ్మ ఇంతవరకూ చేసిన సినిమాల్లో పెద్ద సినిమాలు అంటే రవితేజతో చేసిన 'బెంగాల్‌ టైగర్‌', గోపీచంద్‌తో చేసిన 'జిల్‌' సినిమాలు మాత్రమే లెక్కలోకి వస్తాయి. ఈ రెండూ ఈమెకు సక్సెస్‌ మూవీస్‌గానే నిలిచినా, ఆఫర్లు మాత్రం అంత ఈజీగా రావడం లేదు. ఒకవేళ ఈ రెండు ప్రాజెక్టులు ఓకే అయితే మాత్రం రాశీఖన్నా పంట పండినట్లే. రకుల్‌ ప్రీత్‌ సింగ్‌లా ఈ ముద్దుగుమ్మ కూడా బిగ్‌ లీడ్‌లోకి చేరిపోయినట్లే. ఆల్‌ ది బెస్ట్‌ టు రాశీఖన్నా.