బాహుబలి తర్వాత ప్రభాస్ కి రెండు అపజయాలు వచ్చాయి. సాహో, రాధేశ్యామ్. సాహో కథనంలో బలం లేకపోయిన భారీ యాక్షన్ తో ఓకే కనిపించింది. కానీ రాధేశ్యామ్ మాత్రం దారుణంగా నిరాశ పరిచింది. అలాంటి పాయింట్ ని ప్రభాస్ లాంటి హీరోతో చెప్పించడం అస్సల్ మ్యాచ్ కాలేదు.
సినిమా తీత ఎంతగొప్పగా వున్నా .. రాధేశ్యా,మ్ ప్రభాస్ అభిమానులకు జీర్ణం కాలేదు. ప్రస్తుతం సలార్, ఆదిపురుష్, ప్రాజెక్ట్ కే సినిమాలతో బిజీగా వున్నారు ప్రభాస్. ఈ మూడు కూడా పాన్ ఇండియా సినిమాలే. ఇవి కాకుండా మారుతి దర్శకత్వంలో ఓ సినిమాకి ఓకే చెప్పారు ప్రభాస్. దానయ్య ఈ చిత్రానికి నిర్మాత. మొదట్లో చాలా త్వరగా ఈ సినిమాని పూర్తి చేయాలనిభావించారు ప్రభాస్. ఐతే రాధేశ్యామ్ ఫలితం ప్రభాస్ ని ఆలోచనల్లో నెట్టేసింది. మారుతి మంచి సబ్జెక్ట్ రెడీ చేశారు. అది ప్రభాస్ కి నచ్చింది కూడా. ఐతే మారుతి తన ఇమేజ్ ని మ్యాచ్ చేసే సినిమా తీయగలరా లేదా అనే సందేహం వుంది. దీనికి కారణం .. రాధేశ్యామ్ ఫలితమే. ఆ సినిమా ని అద్భుతంగా తీశాడు దర్శకుడు రాధకృష్ణ. కానీ అది ప్రభాస్ ఇమేజ్ కి మ్యాచ్ కాలేదు. ఇపుడు మారుతి సినిమాతో కూడా అదే సమస్య వచ్చే అవకాశం వున్నట్లు ప్రభాస్ ఆలోచిస్తున్నట్లు వినిపిస్తుంది.
