ప్ర‌భాస్ - పూజా హెగ్డే కాంబినేష‌న్‌లో రూపొందుతున్న సినిమా `రాధే శ్యామ్`. ఇదో ల‌వ్ స్టోరీ అని... చిత్ర‌బృందం ముందు నుంచీ చెబుతూనే ఉంది. అయితే ఈ ప్రేమ క‌థ విషాదాంతంగా మార‌బోతోంద‌ని, హీరో హీరోయిన్ల‌లో ఒక‌రు చ‌నిపోవ‌డం ఖాయ‌మ‌ని ఓ వార్త చ‌క్క‌ర్లు కొడుతోంది. ఈ సినిమా క్లైమాక్స్ గీతాంజలిలా భావోద్వేగంగా ఉంటుంద‌ని - క్లైమాక్స్ లో ఈ సినిమా స్వ‌రూప‌మే మారిపోబోదోంద‌ని స‌మాచారం అందుతోంది.

ప్ర‌భాస్ నుంచి అభిమానులు యాక్ష‌న్ సన్నివేశాల్ని ఆశిస్తారు. వాటికి కూడా ఈ క‌థ‌లో చోటిచ్చార్ట‌. ప్ర‌భాస్ తో యాక్ష‌న్ స‌న్నివేశాలు మెండుగా ఉంటాయ‌ని, అయితే వాటిని చాలా స్టైలీష్ గా రూపొందించార‌ని స‌మాచారం. మొత్తానికి ఓ ల‌వ్ స్టోరీని క్లాసిక‌ల్, స్టైలీష్ ట‌చ్ తో తీశాడ‌ట ద‌ర్శ‌కుడు రాధా కృష్ణ‌. యూవీ క్రియేష‌న్స్ ఈ సినిమాని రూపొందించింది. పాన్ ఇండియా స్థాయిలో ఈ చిత్రాన్ని విడుద‌ల చేయ‌బోతున్నారు.