రాధే శ్యామ్ అప్ డేట్ కోసం ప్ర‌భాస్ అభిమానులు క‌ళ్లు కాయ‌లు కాచేలా ఎదురు చూస్తుంటారు. ఈ సినిమా నుంచి ఎలాంటి అప్ డేట్ వ‌చ్చినా పండ‌గే. చిత్ర‌బృందం కూడా.. అభిమానుల్ని నిరీక్ష‌ణ‌లో ప‌డేసి, ఊరించి.. ఊరించి మ‌రీ అప్ డేట్ ఇస్తుంటుంది. అయితే ఈసారి.. ఎలాంటి ముంద‌స్తు స‌మాచారం లేకుండానే.. ఈ సినిమా నుంచి ఓ స్టిల్ బ‌య‌ట‌కు వ‌దిలేసింది. ఈరోజు కృష్ణాష్ణ‌మి. ఈ సంద‌ర్భంగా రాధేశ్యామ్ నుంచి కొత్త స్టిల్ వ‌చ్చింది. ప్ర‌భాస్ - పూజా హెడ్గేల రొమాంటిక్ స్టిల్ అది.చాలా క్లాసీ గా ఉంది.
ప్ర‌భాస్ అందంగా క‌నిపిస్తున్నాడు. మొత్తానికి... ఇది ఊహించ‌ని సర్ప్రైజ్. రాధాకృష్ణ ద‌ర్శ‌క‌త్వం వ‌హించిన ఈ చిత్రాన్ని యూవీ క్రియేష‌న్స్ నిర్మిస్తోంది. ఈ సంక్రాంతికి ఈ చిత్రాన్ని ప్రేక్ష‌కుల ముందుకు తీసుకొస్తున్నారు. సంక్రాంతి అంటే ఇంకా చాలా స‌మ‌యం ఉంది. ఈలోగా ప్ర‌మోష‌న్లు కూడా చేయాల్సిన అవ‌స‌రం లేదు. అక్టోబ‌రులో ప్ర‌మోష‌న్లు మొద‌లెట్టినా... సినిమాని జ‌నంలోకి తీసుకెళ్ల‌డానికి మ‌రో 3 నెల‌ల స‌మ‌యం ఉంటుంది. అందుకే ప్ర‌మోష‌న్ల విష‌యంలో చిత్ర‌బృందం తొంద‌ర‌ప‌డ‌డం లేదు.
