రాజ్‌తరుణ్‌, హెబ్బా పటేల్‌ జంటగా రూపొందుతున్న 'అంధగాడు' సినిమా టీజరొచ్చేసింది. మాటల రచయితగా పలు సినిమాలకు పనిచేసిన వెలిగొండ శ్రీనివాస్‌ ఈ సినిమాతో దర్శకుడిగా పరిచయమవుతున్నాడు. ఈ సినిమాలో రాజ్‌తరుణ్‌ అంధుడిగా నటించనున్న సంగతి తెలిసినదే కదా. టీజర్‌ని లావిష్‌గా రూపొందించారు. రిచ్‌నెస్‌ ప్రతి ఫ్రేమ్‌లోనూ కన్పిస్తోంది. సినిమాలో కావాల్సినంత కామెడీతోపాటు, యాక్షన్‌ని కూడా అవసరమైన మేర చూపించనున్నట్లు తెలియవస్తోంది. రాజ్‌తరుణ్‌, హెబ్బాపటేల్‌ కాంబినేషన్‌ మరోమారు సూపర్‌ హిట్‌ అయ్యేలా ఉంది. వీరి కాంబినేషన్‌లో వచ్చిన తొలి సినిమా 'కుమారి 21 ఎఫ్‌' పెద్ద విజయం సాధించింది. అదే తరహాలో ఈ సినిమాకి కూడా హిట్‌ కళ కనిపిస్తోందంటున్నాయి ఫిల్మ్‌ వర్గాలు. ఈ చిత్రంలో రాజేంద్రప్రసాద్‌ మరో ముఖ్య పాత్రలో కన్పించబోతున్నారు. డిఫరెంట్‌ రొమాంటిక్‌ కాన్సెప్ట్‌తో ఈ సినిమా తెరకెక్కుతోందట. శేఖర్‌ చంద్ర మ్యూజిక్‌ సినిమాకి మరో ప్రధాన ఆకర్షణగా నిలిచేలా ఉంది. సుంకర రామబ్రహ్మం ఈ చిత్రాన్ని నిర్మిస్తున్నారు. ఎకె ఎంటర్‌టైన్‌మెంట్స్‌ పతాకంపై ఈ చిత్రం రూపొందుతోంది. ఈ సమ్మర్‌లో నవ్వులు పంచడానికి వచ్చేస్తున్నాడు యంగ్‌ హీరో రాజ్‌ తరుణ్‌. మే 26న 'అంధగాడు' ప్రేక్షకుల ముందుకు రానుంది.