హీరోయిజానికి, స్టార్‌డ‌మ్‌కీ, తిరుగులేని అభిమాన ధ‌నానికీ.. రజనీకాంత్ని మించిన క‌థానాయ‌కుడు లేడు. ఈ విష‌యం చాలాసార్లు రుజువైంది. ర‌జ‌నీ ఔదార్యం గురించి కూడా చాలా గొప్ప‌గా మాట్లాడుకుంటుంటారు. ఈ విష‌యం మ‌రోసారి రుజువైంది. ఓ నిర్మాత‌కు ఖ‌రీదైన ఇంటికి కానుక‌గా ఇచ్చి ర‌జ‌నీ త‌న మంచి మ‌న‌సు చాటుకున్నాడు. ఆ విష‌యం ఇప్పుడు త‌మిళ‌నాట హాట్ టాపిక్‌గా మారింది. రజనీకాంత్ని క‌థానాయ‌కుడిగా ప‌రిచ‌యం చేసి, తొలి రోజుల్లో వెన్నుద‌న్నుగా నిలిచిన నిర్మాత ప్ర‌స్తుతం ఆర్థిక ఇబ్బందుల‌లో ఉన్నాడ‌న్న సంగ‌తి ర‌జ‌నీకి తెలిసింది.
దాంతో ఆయ‌న విష‌యాల‌న్నీ ఆరా తీశారు ర‌జ‌నీ. ప్ర‌స్తుతం స‌ద‌రు నిర్మాత ఓ అద్దె ఇంట్లో ఉంటున్నార‌న్న సంగ‌తి తెలిసి చ‌లించిపోయిన ర‌జ‌నీ, ఆయ‌న కోసం చెన్నైలో ఓ ఖ‌రీదైన ఫ్లాట్ ని కొని, కానుక‌గా ఇచ్చారు. ఈ ఫ్లాట్ విలువ దాదాపు కోటి రూపాయ‌లు ఉంటుంద‌ని టాక్‌. సోమ‌వారం.. గృహ‌ప్ర‌వేశం కూడా జ‌రిగింది. ఈ కార్య‌క్ర‌మానికి ర‌జ‌నీ కూడా హాజ‌ర‌య్యారు. ర‌జ‌నీ చూపించిన ఔదార్యానికి... త‌మిళ సినీ ప‌రిశ్ర‌మ చేతులెత్తి మొక్కుతోంది. ద‌టీజ్‌.. ర‌జ‌నీ.
