స్మైలీ బ్యూటీ రకుల్‌ ప్రీత్‌ సింగ్‌ ఇటీవలే 'జయ జానకి నాయకా' సినిమాతో ప్రేక్షకుల ముందుకు వచ్చింది. ఈ సినిమాలో రకుల్‌ది సెంటిమెంట్‌తో కూడిన పాత్ర. గ్లామర్‌కు పెద్దగా చోటు లేదు. కానీ తన వంతు గ్లామర్‌ పండించేసింది ఈ సినిమాలో రకుల్‌ ప్రీత్‌సింగ్‌. ఈ సినిమా వరకూ హీరోయిన్‌గా రకుల్‌ పాత్ర కన్నా, మిగిలిన ముద్దుగుమ్మలు ప్రగ్యా జైశ్వాల్‌, కేథరిన్‌లు ఓన్లీ ఫర్‌ గ్లామర్‌ అన్నట్లుగా నటించేశారు. అయితే రకుల్‌ తదుపరి చిత్రం 'స్పైడర్‌'. మహేష్‌బాబు హీరోగా వస్తోన్న ఈ చిత్రంలో రకుల్‌ బీభత్సంగా గ్లామర్‌ ఒలకబోసేసిందట. మురుగదాస్‌ దర్శకత్వంలో ఈ చిత్రం తెరకెక్కుతోంది. బైలింగ్వల్‌ మూవీ ఇది. తెలుగు, తమిళంలో రూపొందిన సినిమా ఇది. ఈ సినిమాకి రకుల్‌ గ్లామర్‌ మెయిన్‌ అట్రాక్షన్‌ కానుందని తెలుస్తోంది. గ్లామర్‌ టాలెంట్‌ రకుల్‌కి కొత్తేమీ కాదు. యాక్టింగ్‌ టాలెంట్‌తో పాటు గ్లామరస్‌ యాంగిల్‌ కూడా పూర్తిగా చూపించేసింది తన గత చిత్రాలతో రకుల్‌. 'ధృవ' సినిమాలోని 'పరేషాన్‌లే..' పాటలో రకుల్‌ అందచందాలకు కుర్రకారు కెవ్వు కేక అనేశారు. ఆ తర్వాత 'రారండోయ్‌ వేడుక చూద్దాం..' సినిమాలో ట్రెడిషనల్‌ లుక్‌తో ఆకట్టుకుంది. కానీ ఈసారి మాత్రం రకుల్‌ నుండి ఓవర్‌ డోస్‌లో గ్లామర్‌ ఎక్స్‌పెక్ట్‌ చేసేయ్యెచ్చట. మహేష్‌తో తొలిసారిగా రకుల్‌ జత కడుతోంది. లేటెస్ట్‌ స్టిల్స్‌లో రకుల్‌ సూపర్‌ హాట్‌గా కనిపిస్తోంది. ఈ నెల 27న ఈ సినిమా ప్రేక్షకుల ముందుకు రానుంది. రకుల్‌ గ్లామర్‌ ఎటాక్‌కి బీ రెడీ.