'స్పైడర్‌' సినిమాలో ముద్దుగుమ్మ రకుల్‌ ప్రీత్‌సింగ్‌ హీరోయిన్‌గా నటిస్తోంది. రకుల్‌ ఈ సినిమాలో కొత్తగా కనిపించడంతో పాటు, ఆ పాత్రకి ప్రాధాన్యత కూడా ఉండబోతోందట. మహేష్‌తో రకుల్‌ ప్రీత్‌సింగ్‌ తొలిసారిగా నటిస్తున్న సినిమా ఇది. తెలుగు, తమిళ భాషల్లో ఒకేసారి రూపొందింది 'స్పైడర్‌'. ఈ సినిమాలో మహేష్‌ - రకుల్‌ ఇద్దరి మధ్యా కెమిస్ట్రీ చాలా బాగుంది. సాంగ్స్‌కి సంబంధించిన ప్రోమో స్టిల్స్‌లో వీరి మధ్య కెమిస్ట్రీ అదరహో అన్నట్లుగా కనిపిస్తోంది. అంతేకాదు సాంగ్స్‌లో ఇద్దరూ డాన్సులు బాగా వేశారు. ఏజ్‌ యూజ్‌వల్‌ రకుల్‌ ప్రీత్‌ సింగ్‌ హాట్‌ హాట్‌గా కనిపిస్తోంది. పాటల చిత్రీకరణ చాలా స్టైలిష్‌గా ఉందనీ ప్రమోస్‌ చూస్తుంటే తెలుస్తోంది. 'బ్రహ్మూెత్సవం' సినిమా టైంలోనే మహేష్‌తో నటించే ఛాన్స్‌ వచ్చింది రకుల్‌కి. కానీ అప్పట్లో ఆమె డేట్స్‌ అడ్జస్ట్‌ కాక ఆ ఛాన్స్‌ మిస్‌ చేసుకుంది. ఇన్నాళ్ల తర్వాత ఆ సూపర్‌ ఛాన్స్‌ మళ్లీ వచ్చింది రకుల్‌కి 'స్పైడర్‌'తో. అందుకే తనకొచ్చిన ఈ ఆఫర్‌ని చాలా బాగా సద్వినియోగం చేసుకున్నానంటోంది రకుల్‌ప్రీత్‌ సింగ్‌. డైరెక్టర్‌ మురుగదాస్‌ తన పాత్రని చాలా బాగా తెరకెక్కించారని చెబుతోంది రకుల్‌. అలాగే సూపర్‌ స్టార్‌తో కలిసి నటించిన ఎక్స్‌పీరయన్స్‌ భలే ఉందని మురిసిపోతోంది. గతంలో ఓ తమిళ చిత్రంలో రకుల్‌ నటించింది. కానీ ఆ సినిమా ఆమెకి అంతగా గుర్తింపు తెచ్చిపెట్టలేదు. మళ్లీ ఇన్నాళ్ల తర్వాత స్టార్‌ హీరోయిన్‌ అయినాక తమిళంలో ఈ సినిమాతో ఎంట్రీ ఇస్తోంది రకుల్‌. ఆ రకంగా ఈ సినిమా రకుల్‌కి సో స్పెషల్‌ అంటోంది. సెప్టెంబర్‌ 27న ఈ సినిమా ప్రేక్షకుల ముందుకు రానుంది.